໑໐. ຊີວິຕິນ຺ທ຺ຣິຍກຖາວຓ຺ຓນາ

໕໔໐. ອຣູປຊີວິຕິນ຺ທ຺ຣິຍນ຺ຕິປຎ຺ເຫ ‘‘ອຕ຺ຖິ ອຣູປີນໍ ຘມ຺ມານໍ ອາຍູ’’ຕິອາທິກໍ ປຎ຺ຫໍ ອນ຺ຕໍ ຄເຫຕ຺ວາ ວທຕິ. ອຣູປຘມ຺ມານໍ ຈິຕ຺ຕວິປ຺ປຍຸຕ຺ຕໍ ຊີວິຕິນ຺ທ຺ຣິຍສນ຺ຕານໍ ນາມ ອຕ຺ຖີຕິ ອິຈ຺ຉຕີຕິ ເອຕ຺ຖ ຣູປາຣູປຘມ຺ມານໍ ຕໍ ອິຈ຺ຉນ຺ໂຕ ອຣູປຘມ຺ມານໍ ອິຈ຺ຉຕີຕິ ວຕ຺ຕຸໍ ຍຸຕ຺ໂຕຕິ ‘‘ອຣູປຘມ຺ມານ’’ນ຺ຕິ ວຸຕ຺ຕນ຺ຕິ ທຏ຺ຐພ຺ພໍ.

໕໔໑. ສຕ຺ຕສນ຺ຕາເນ ຣູປິໂນ ວາ ຘມ຺ມາ ໂຫນ຺ຕູຕິອາທິນາປິ ຕເມວ ຊີວິຕິນ຺ທ຺ຣິຍສນ຺ຕານໍ ວທຕີຕິ ເວທິຕພ຺ພໍ.

໕໔໒. ປຸພ຺ພາປຣຠາຄໍ ສນ຺ຘາຍາຕິ ສມາປຕ຺ຕິຍາ ອາສນ຺ນຠາວໂຕ ຕທາປິ ສມາປນ຺ໂນເຍວາຕິ ອຘິປ຺ປາໂຍ.

໕໔໔-໕໔໕. ທ຺ເວ ຊີວິຕິນ຺ທ຺ຣິຍານີຕິ ‘‘ປຸຈ຺ຉາ ສກວາທິສ຺ສ, ປຏິຎ຺ຎາ ອິຕຣສ຺ສາ’’ຕິ ປຸຣິມປາໂຐ. ‘‘ປຸຈ຺ຉາ ປຣວາທິສ຺ສ, ປຏິຎ຺ຎາ ສກວາທິສ຺ສາ’’ຕິ ປຈ຺ຉິມປາໂຐ, ໂສ ຍຸຕ຺ໂຕ.

ຊີວິຕິນ຺ທ຺ຣິຍກຖາວຓ຺ຓນາ ນິຏ຺ຐິຕາ.