໒. ອນ຺ຕຣາຠວກຖາວຓ຺ຓນາ

໕໐໕. ອຕິທູຣສ຺ສ ອນ຺ຕຣິຕສ຺ສ ປຕ຺ຕພ຺ພສ຺ສ ເທສສ຺ສ ທສ຺ສນໂຕ ທິພ຺ພຈກ຺ຂຸໂກ ວິຍ. ອາກາເສນ ປຖວນ຺ຕຣຏ຺ຐານານິ ຠິນ຺ທິຕ຺ວາ ຄມນໂຕ ອິທ຺ຘິມາ ວິຍ. ນ ສຫຘມ຺ເມນາຕິ ຍທິ ໂສ ຠວານໍ ອນ຺ຕຣາ ນ ສິຍາ, ນ ນາມ ອນ຺ຕຣາຠໂວຕິ ປຏິກ຺ເຂເປ ກຣຓໍ ນຕ຺ຖີຕິ ອຘິປ຺ປາໂຍ.

໕໐໖. ຕຕ຺ຖ ຊາຕິຊຣາມຣຓານິ ເຈວ ຈຸຕິປຏິສນ຺ຘິປຣມ຺ປຣຎ຺ຈ ອນິຈ຺ຉນ຺ໂຕຕິ ເອເຕນ ຈຸຕິອນນ຺ຕຣໍ ອນ຺ຕຣາຠວໍ ຂນ຺ຘາຕິ, ວຕ຺ຕມານາ ຊາຕີຕິ, ມາຕຸກຸຈ຺ຉິເມວ ປວິຏ຺ຐາ ອນ຺ຕຣຘາຍມານາ ມຣຓນ຺ຕິ ນ ອິຈ຺ຉຕິ.

໕໐໗. ຍຖາ ກາມຠວາທີສຸ ຕຕ຺ຖ ຕຕ຺ເຖວ ປຸນປ຺ປຸນໍ ຈວິຕ຺ວາ ອຸປປຕ຺ຕິວເສນ ຈຸຕິປຏິສນ຺ຘິປຣມ຺ປຣາ ໂຫຕິ, ເອວໍ ຕໍ ຕຕ຺ຖ ນ ອິຈ຺ຉຕີຕິ ທສ຺ເສຕິ.

ອນ຺ຕຣາຠວກຖາວຓ຺ຓນາ ນິຏ຺ຐິຕາ.