໕. ປຣິໂຠຄມຍປຸຎ຺ຎກຖາວຓ຺ຓນາ

໔໘໓. ປຣິໂຠຄມຍໍ ນາມ ຈິຕ຺ຕວິປ຺ປຍຸຕ຺ຕໍ ປຸຎ຺ຎໍ ອຕ຺ຖີຕິ ລທ຺ຘິ. ຕຎ຺ຫິ ເຕ ສນ຺ຘາຍ ປຣິໂຠຄມຍໍ ປຸຎ຺ຎໍ ປວຑ຺ຒຕີຕິ ວທນ຺ຕີຕິ ອຘິປ຺ປາໂຍ.

໔໘໕. ຕສ຺ສາປິ ວເສນາຕິ ຕສ຺ສາປິ ລທ຺ຘິຍາ ວເສນ. ປຎ຺ຈວິຎ຺ຎາຓານໍ ວິຍ ເອເຕສມ຺ປິ ສໂມຘານໍ ສິຍາຕິ ປຏິຊານາຕີຕິ ວທນ຺ຕິ. ປຎ຺ຈວິຎ຺ຎາຓຜສ຺ສາທີນເມວ ປນ ສໂມຘານໍ ສນ຺ຘາຍ ປຏິຊານາຕີຕິ ອຘິປ຺ປາໂຍ.

໔໘໖. ອປຣິຠຸຕ຺ເຕປີຕິ ອິມິນາ ‘‘ປຏິຄ຺ຄາຫໂກ ປຏິຄ຺ຄເຫຕ຺ວາ ນ ປຣິຠຸຎ຺ຊຕິ ຉຑ຺ເຑຕີ’’ຕິອາທິກໍ ທສ຺ເສຕິ. ອປຣິຠຸຕ຺ເຕ ເທຍ຺ຍຘມ຺ເມ ປຸຎ຺ຎຠາວໂຕ ປຣິໂຠຄມຍໍ ປຸຎ຺ຎໍ ປວຑ຺ຒຕີຕິ ອຍໍ ວາໂທ ຫີຍຕິ. ຕສ຺ມິຎ຺ຈ ຫີເນ ສກວາທີວາໂທ ພລວາ. ຈາຄເຈຕນາຍ ເອວ ຫິ ປຸຎ຺ຎຠາໂວ ເອວໍ ສິທ຺ໂຘ ໂຫຕີຕິ ອຘິປ຺ປາໂຍ. ອປຣິຠຸຕ຺ເຕປິ ເທຍ຺ຍຘມ຺ເມ ປຸຎ຺ຎຠາເວ ຈາຄເຈຕນາຍ ເອວ ປຸຎ຺ຎຠາໂວຕິ ອາຫ ‘‘ສກວາທີວາໂທວ ພລວາ’’ຕິ.

ປຣິໂຠຄມຍປຸຎ຺ຎກຖາວຓ຺ຓນາ ນິຏ຺ຐິຕາ.