໔. ວິມຸຈ຺ຈມານກຖາວຓ຺ຓນາ

໓໖໖. ຌາເນນ ວິກ຺ຂມ຺ຠນວິມຸຕ຺ຕິຍາ ວິມຸຕ຺ຕໍ ຈິຕ຺ຕໍ ມຄ຺ຄກ຺ຂເຓ ສມຸຈ຺ເຉທວິມຸຕ຺ຕິຍາ ວິມຸຈ຺ຈມານໍ ນາມ ໂຫຕີຕິ ເອຕິສ຺ສາ ລທ຺ຘິຍາ ໂກ ໂທໂສຕິ ວິຈາເຣຕພ຺ພໍ. ຍທິ ວິປ຺ປກຕນິທ຺ເທເສ ໂທໂສ, ຕຕ຺ຣາປິ ເຕນ ວິມຸຈ຺ຈມານຕາຍ ‘‘ວິມຸຕ຺ຕໍ ວິມຸຈ຺ຈມານ’’ນ຺ຕິ ວຸຕ຺ຕໍ. ສຕິ ຈ ໂທເສ ອຸປ຺ປາທກ຺ຂເຓ ວິມຸຕ຺ຕໍ, ວຍກ຺ຂເຓ ວິມຸຈ຺ຈມານນ຺ຕິ ວິມຸຕ຺ຕວິມຸຈ຺ຈມານວຈນສ຺ສ ນ ໂຈເທຕພ຺ພໍ ສິຍາ, ອຖ ໂຂ ວິມຸຈ຺ຈມານວຈນເມວາຕິ. ເອກເທເສນ, ເອກເທເສ ວາ ວິມຸຈ຺ຈມານສ຺ສ ຈ ວິມຸຕ຺ຕກິຣິຍາຍ ເອກເທໂສ ວິເສສນໍ ໂຫຕີຕິ ‘‘ຠາວນປຸໍສກ’’ນ຺ຕິ ວຸຕ຺ຕໍ. ກຏາທໂຍຕິ ກຏປຏາທໂຍ. ເອເກເນວ ຈິຕ຺ເຕນາຕິ ເອເກເນວ ຜລຈິຕ຺ເຕນາຕິ ອຘິປ຺ປາໂຍ.

ວິມຸຈ຺ຈມານກຖາວຓ຺ຓນາ ນິຏ຺ຐິຕາ.