໑. ສຸທ຺ຘພ຺ຣຫ຺ມຈຣິຍກຖາວຓ຺ຓນາ

໒໖໙. ‘‘ປຣນິມ຺ມິຕວສວຕ຺ຕິເທເວ ອຸປາທາຍ ຕທຸປຣີ’’ຕິ ວຸຕ຺ຕໍ, ‘‘ຕີຫິ, ຠິກ຺ຂເວ, ຐາເນຫີ’’ຕິ (ອ. ນິ. ໙.໒໑) ປນ ສຸຕ຺ຕສ຺ສ ວຈເນນ ເຫຏ຺ຐາປິ ມຄ຺ຄຠາວນມ຺ປິ ນ ອິຈ຺ຉນ຺ຕີຕິ ວິຎ຺ຎາຍຕິ.

໒໗໐. ‘‘ຄິຫີນຎ຺ເຈວ ເອກຈ຺ຈານຎ຺ຈ ເທວານໍ ມຄ຺ຄປຏິລາຠໍ ສນ຺ຘາຍ ປຏິກ຺ເຂໂປ ຕສ຺ເສວາ’’ຕິ ວຸຕ຺ຕໍ, ‘‘ຍຕ຺ຖ ນຕ຺ຖີ’’ຕິ ປນ ໂອກາສວເສນ ປຸຏ຺ໂຐ ປຸຄ຺ຄລວເສນ ຕສ຺ສ ປຏິກ຺ເຂໂປ ນ ຍຸຕ຺ໂຕ. ຍທິ ຈ ຕສ຺ສາຍໍ ອຘິປ຺ປາໂຍ, ສກວາທິນາ ສມານາຘິປ຺ປາຍຕ຺ຕາ ນ ນິຄ຺ຄເຫຕພ຺ໂພ.

໒໗໑. ເອກນ຺ຕຣິກປຎ຺ຫາຕິ ປຣວາທີສກວາທີນໍ ອຎ຺ຎມຎ຺ຎໍ ປຎ຺ຫນ຺ຕຣິກາ ປຎ຺ຫາ.