໑໑. ທກ຺ຂິຓາວິສຸທ຺ຘິກຖາວຓ຺ຓນາ

໘໐໐-໘໐໑. ທກ຺ຂິຓາວິສຸທ຺ຘິກຖາຍໍ ວິສຸຊ຺ເຌຍ຺ຍາຕິ ເອຕສ຺ສ ອຕ຺ຖໍ ທສ຺ເສນ຺ໂຕ ‘‘ມຫປ຺ຜລາ ຠເວຍ຺ຍາ’’ຕິ ອາຫ. ທາຍກສ຺ເສວ ຈິຕ຺ຕວິສຸທ຺ຘິ ວິປາກທາຍິກາ ໂຫຕີຕິ ປຏິຄ຺ຄາຫກນິຣເປກ຺ຂາ ປຏິຄ຺ຄາຫເກນ ປຈ຺ຈຍຠູເຕນ ວິນາ ທາຍເກເນວ ມຫາວິປາກເຈຕນຕ຺ຕໍ ອາປາທິກາ, ປຏິຄ຺ຄາຫກນິຣເປກ຺ຂາ ວິປາກທາຍິກາ ໂຫຕີຕິ ອຘິປ຺ປາໂຍ. ອຎ຺ໂຎ ອຎ຺ຎສ຺ສ ກາຣໂກຕິ ຍທິ ທາຍກສ຺ສ ທານເຈຕນາ ນາມ ປຏິຄ຺ຄາຫເກນ ກຕາ ຠເວຍ຺ຍ, ຍຸຕ຺ຕຣູປໍ ສິຍາຕິ ກສ຺ມາ ວຸຕ຺ຕໍ, ນນຸ ລທ຺ຘິກິຕ຺ຕເນ ‘‘ທາຍເກນ ທານໍ ທິນ຺ນໍ, ປຏິຄ຺ຄາຫເກນ ວິປາໂກ ນິພ຺ພຕ຺ຕິໂຕຕິ ອຎ຺ໂຎ ອຎ຺ຎສ຺ສ ກາຣໂກ ຠເວຍ຺ຍາ’’ຕິ ວຸຕ຺ຕນ຺ຕິ? ສຈ຺ຈເມຕໍ, ປຏິຄ຺ຄາຫເກນ ວິປາກນິພ຺ພຕ຺ຕນມ຺ປິ ປນ ທານເຈຕນານິພ຺ພຕ຺ຕເນນ ຍທິ ຠເວຍ຺ຍ, ເອວໍ ສຕິ ອຎ຺ໂຎ ອຎ຺ຎສ຺ສ ກາຣໂກຕິ ຍຸຕ຺ຕຣູປໍ ສິຍາຕິ ອຘິປ຺ປາໂຍ.

ທກ຺ຂິຓາວິສຸທ຺ຘິກຖາວຓ຺ຓນາ ນິຏ຺ຐິຕາ.

ສຕ຺ຕຣສມວຄ຺ຄວຓ຺ຓນາ ນິຏ຺ຐິຕາ.