໒. ນຕ຺ຖິອຣຫໂຕອກາລມຈ຺ຈູຕິກຖາວຓ຺ຓນາ
໗໘໐. ອໂຍນິໂສ ຄເຫຕ຺ວາຕິ ອລທ຺ຘວິປາກວາຣານມ຺ປິ ກມ຺ມານໍ ພ຺ຍນ຺ຕີຠາວໍ ນ ວທາມີຕິ ອຕ຺ຖໍ ຄເຫຕ຺ວາຕິ ອຘິປ຺ປາໂຍ. ເກຈິ ປນ ‘‘ກມ຺ມານໍ ວິປາກໍ ອປ຺ປຏິສໍວິທິຕ຺ວາ ປຸຄ຺ຄລສ຺ສ ພ຺ຍນ຺ຕີຠາວໍ ນ ວທາມີຕິ ເອວໍ ອໂຍນິໂສ ອຕ຺ຖໍ ຄເຫຕ຺ວາ’’ຕິ ວທນ຺ຕິ.
໗໘໑. ຕາວ ນ ກມຕີຕິ ລທ຺ຘິຍາ ປຏິກ຺ຂິປຕີຕິ ຕາວ ນ ກມຕິ, ຕໂຕ ປຣໍ ກມຕີຕິ ລທ຺ຘິຍາ ປຏິກ຺ຂິປຕີຕິ ອຘິປ຺ປາໂຍ. ເອຕ຺ຖ ກິຣ ‘‘ສຕິ ຊີວິເຕ ຊີວິຕາວເສເສ ຊີວິຕາ ໂວໂຣເປຕີ’’ຕິ ວຈນໂຕ ອຕ຺ຕໂນ ຘມ຺ມຕາຍ ມຣນ຺ຕໍ ໂກຏ຺ເຏນ຺ຕສ຺ສ ວາ ສີສໍ ວາ ຉິນ຺ທນ຺ຕສ຺ສ ນຕ຺ຖິ ປາຓາຕິປາໂຕຕິ ອາຈຣິຍາ ວທນ຺ຕິ. ປາໂຓ ປາຓສຎ຺ຎິຕາ ວຘກຈິຕ຺ຕອຸປກ຺ກມມຣເຓສຸ ວິຊ຺ຊມາເນສຸປິ ນ ເຕນ ອຸປກ຺ກເມນ ມໂຕຕິ ນຕ຺ຖິ ປາຓາຕິປາໂຕຕິ ອຘິປ຺ປາໂຍ. ເອວໍ ປນ ມຣນ຺ເຕນ ເຕນ ເອກຈິຕ຺ຕວາຣມ຺ປິ ຘມ຺ມຕາມຣຓໂຕ ໂອຣໂຕ ນ ມໂຕຕິ ທຸພ຺ພິຎ຺ເຎຍ຺ຍເມຕໍ.
ນຕ຺ຖິອຣຫໂຕອກາລມຈ຺ຈູຕິກຖາວຓ຺ຓນາ ນິຏ຺ຐິຕາ.