໙. ວຈນໂສຘນວຓ຺ຓນາ

໕໕-໕໙. ປຸຄ຺ຄໂລ ອຸປລພ຺ຠຕີຕິ ປທທ຺ວຍສ຺ສ ອຕ຺ຖໂຕ ເອກຕ຺ເຕຕິ ເອຕ຺ຖ ຕເທວ ເອກຕ຺ຕໍ ປເຣນ ສມ຺ປຏິຈ຺ຉິຕໍ ອສມ຺ປຏິຈ຺ຉິຕນ຺ຕິ ວິຈາເຣຕພ຺ພເມຕໍ. ປຸຄ຺ຄລສ຺ສ ຫິ ອວິຠຊິຕພ຺ພຕໍ, ອຸປລພ຺ຠຕີຕິ ເອຕສ຺ສ ວິຠຊິຕພ຺ພຕໍ ວທນ຺ໂຕ ວິຠຊິຕພ຺ພາວິຠຊິຕພ຺ພຕ຺ຖານໍ ອຸປລພ຺ຠຕິປຸຄ຺ຄລ-ສທ຺ທານໍ ກຖໍ ອຕ຺ຖໂຕ ເອກຕ຺ຕໍ ສມ຺ປຏິຈ຺ເຉຍ຺ຍາຕິ? ຍຖາ ຈ ວິຠຊິຕພ຺ພາວິຠຊິຕພ຺ພຕ຺ຖານໍ ອຸປລພ຺ຠຕິ-ຣູປ-ສທ຺ທານໍ ຕໍ ວິຠາຄໍ ວທໂຕ ຣູປໍ ກິຎ຺ຈິ ອຸປລພ຺ຠຕິ, ກິຎ຺ຈິ ນ ອຸປລພ຺ຠຕີຕິ ອຍໍ ປສງ຺ໂຄ ນາປຊ຺ຊຕິ, ເອວໍ ເອຕສ຺ສປິ ຍຖາວຸຕ຺ຕວິຠາຄໍ ວທໂຕ ຍຖາອາປາທິເຕນ ປສງ຺ເຄນ ນ ຠວິຕພ຺ພນ຺ຕິ ມຄ຺ຄິຕພ຺ໂພ ເອຕ຺ຖ ອຘິປ຺ປາໂຍ.

໖໐. ‘‘ສຸຎ຺ຎໂຕ ໂລກໍ ອເວກ຺ຂສ຺ສູ’’ຕິ (ສຸ. ນິ. ໑໑໒໕) ເອເຕນ ອຕ຺ຖໂຕ ປຸຄ຺ຄໂລ ນຕ຺ຖີຕິ ວຸຕ຺ຕໍ ໂຫຕີຕິ ອາຫ ‘‘ນຕ຺ຖີຕິປິ ວຸຕ຺ຕ’’ນ຺ຕິ.

ວຈນໂສຘນວຓ຺ຓນາ ນິຏ຺ຐິຕາ.