໒. ທຸກນິທ຺ເທສວຓ຺ຓນາ

໖໓. ກສ຺ສຈິ ກິເລສສ຺ສ ອວິກ຺ຂມ຺ຠິຕຕ຺ຕາ ກສ຺ສຈິ ກຖຎ຺ຈິ ອວິມຸຕ຺ໂຕ ກາມຠໂວ ອຊ຺ຌຕ຺ຕຄ຺ຄຫຓສ຺ສ ວິເສສປຈ຺ຈໂຍຕິ ອຊ຺ຌຕ຺ຕໍ ນາມ. ຕຕ຺ຖ ພນ຺ຘນໍ ອຊ຺ຌຕ຺ຕສໍໂຍຊນໍ, ເຕນ ສມ຺ປຍຸຕ຺ໂຕ ອຊ຺ຌຕ຺ຕສໍໂຍຊໂນ.

໘໓. ກາຣເຓນ ວິນາ ປວຕ຺ຕຫິຕຈິຕ຺ໂຕ ອກາຣຓວຈ຺ຉໂລ. ອນາຄຕມ຺ປິ ປໂຍຊນໍ ອເປກ຺ຂມາໂນ ປຸຣິມຄ຺ຄຫິຕໍ ຕໍ ກຕໍ ອຸປາທາຍ ກຕຎ຺ຎູ ເອວ ນາມ ໂຫຕິ, ນ ປຸພ຺ພກາຣີຕິ ອາຫ ‘‘ກຣິສ຺ສຕິ ເມ’’ຕິອາທິ. ຕໂມໂຊຕິປຣາຍໂຓ ປຸຎ຺ຎຜລໍ ອນຸປຊີວນ຺ໂຕ ເອວ ປຸຎ຺ຎານິ ກໂຣຕີຕິ ‘‘ປຸພ຺ພກາຣີ’’ຕິ ວຸຕ຺ໂຕ. ‘‘ອິຓໍ ເທມີ’’ຕິ ສຎ຺ຎໍ ກໂຣຕີຕິ ເອວໍສຎ຺ຎໍ ອກໂຣນ຺ໂຕປິ ກໂຣນ຺ໂຕ ວິຍ ໂຫຕີຕິ ອຕ຺ໂຖ.

໘໖. ອຈ຺ຉມໍສໍ ລຠິຕ຺ວາ ສູກຣມໍສນ຺ຕິ ນ ກຸກ຺ກຸຈ຺ຈາຍຕີຕິ ອຈ຺ຉມໍສນ຺ຕິ ຊານນ຺ໂຕປິ ສູກຣມໍສນ຺ຕິ ນ ກຸກ຺ກຸຈ຺ຈາຍຕິ, ມທ຺ທິຕ຺ວາ ວີຕິກ຺ກມຕີຕິ ວຸຕ຺ຕໍ ໂຫຕິ.

໙໐. ຕິຕ຺ໂຕຕິ ນິຏ຺ຐິຕກິຈ຺ຈຕາຍ ນິຣຸສ຺ສຸກ຺ໂກ.

ທຸກນິທ຺ເທສວຓ຺ຓນາ ນິຏ຺ຐິຕາ.