໖. ນກຸລປິຕຸສຸຕ຺ຕວຓ຺ຓນາ

໑໖. ຉຏ຺ເຐ ວິສຠາຄເວທນຸປ຺ປຕ຺ຕິຍາ ກກເຈເນວ ຈຕຸອິຣິຍາປຖໍ ຉິນ຺ທນ຺ໂຕ ອາພາຘຍຕີຕິ ອາພາໂຘ, ໂສ ຍສ຺ສ ອຕ຺ຖີຕິ ອາພາຘິໂກ. ຕໍສມຸຏ຺ຐານທຸກ຺ເຂນ ທຸກ຺ຂິໂຕ. ອຘິມຕ຺ຕຄິລາໂນຕິ ຘາຕຸສງ຺ຂເຍນ ປຣິກ຺ຂີຓສຣີໂຣ.

ສປ຺ປຏິຠຍກນ຺ຕາຣສທິສາ ໂສຬສວຕ຺ຖຸກາ ອຏ຺ຐວຕ຺ຖຸກາ ຈ ວິຈິກິຈ຺ຉາ ຕິຓ຺ຓາ ອິມາຍາຕິ ຕິຓ຺ຓວິຈິກິຈ຺ຉາ. ວິຄຕາ ສມຸຈ຺ຉິນ຺ນາ ປວຕ຺ຕິອາທີສຸ ‘‘ເອວໍ ນຸ ໂຂ ນ ນຸ ໂຂ’’ຕິ ເອວໍ ປວຕ຺ຕິກາ ກຖໍກຖາ ອສ຺ສາຕິ ວິຄຕກຖໍກຖາ. ສາຣຊ຺ຊກຣານໍ ປາປຘມ຺ມານໍ ປຫີນຕ຺ຕາ ຣາຄວິກ຺ເຂເປສຸ ສີລາທິຄຸເຓສຸ ຈ ຕິຏ຺ຐກຕ຺ຕາ ເວສາຣຊ຺ຊໍ, ວິສາຣທຠາວໍ ເວຍ຺ຍຕ຺ຕິຍໍ ປຕ຺ຕາຕິ ເວສາຣຊ຺ຊປ຺ປຕ຺ຕາ. ອຕ຺ຕນາ ເອວ ປຈ຺ຈກ຺ຂໂຕ ທິຏ຺ຐຕ຺ຕາ ນ ປຣໍ ປຈ຺ເຈຕິ, ນສ຺ສ ປໂຣ ປຈ຺ເຈຕພ຺ໂພ ອຕ຺ຖີຕິ ອປຣປ຺ປຈ຺ຈຍາ.

ຄິລານາ ວຸຏ຺ຐິໂຕຕິ ຄິລານຠາວໂຕ ວຸຏ຺ຐາຍ ຐິໂຕ. ຠາວປ຺ປຘາໂນ ຫິ ອຍໍ ນິທ຺ເທໂສ. ຄິລາໂນ ຫຸຕ຺ວາ ວຸຏ຺ຐິໂຕຕິ ອິທໍ ປນ ອຕ຺ຖມຕ຺ຕນິທສ຺ສນໍ.

ນກຸລປິຕຸສຸຕ຺ຕວຓ຺ຓນາ ນິຏ຺ຐິຕາ.