໒. ວິຕ຺ຖາຣສຸຕ຺ຕວຓ຺ຓນາ

໒໓໓. ທຸຕິເຍ ສພ຺ຍາພຊ຺ຌນ຺ຕິ ວາ ສທຸກ຺ຂໍ, ອຕ຺ຕນາ ອຸປ຺ປາເທຕພ຺ເພນ ທຸກ຺ເຂນ ສທຸກ຺ຂນ຺ຕິ ອຕ຺ໂຖ, ທຸກ຺ຂສໍວຕ຺ຕນິກນ຺ຕິ ວຸຕ຺ຕໍ ໂຫຕິ. ກາຍສງ຺ຂາຣາທີສຸ ກາຍທ຺ວາເຣ ຄຫຓາທິວເສນ ໂຈປນປ຺ປຕ຺ຕາ ທ຺ວາທສ ອກຸສລເຈຕນາ ອພ຺ຍາພຊ຺ຌກາຍສງ຺ຂາໂຣ ນາມ. ວຈີທ຺ວາເຣ ຫນຸສໍໂຈປນວເສນ ວຈີເຠທປ຺ປວຕ຺ຕິກາ ຕາເຍວ ທ຺ວາທສ ວຈີສງ຺ຂາໂຣ ນາມ. ອຸຠຍໂຈປນໍ ອປ຺ປຕ຺ວາ ຣໂຫ ຈິນ຺ເຕນ຺ຕສ຺ສ ມໂນທ຺ວາເຣ ປວຕ຺ຕາ ມໂນສງ຺ຂາໂຣ ນາມ. ອິຕິ ຕີສຸປິ ທ຺ວາເຣສຸ ກາຍທຸຈ຺ຈຣິຕາທິເຠທາ ອກຸສລາ ເຈຕນາວ ສງ຺ຂາຣາຕິ ເວທິຕພ຺ພາ. ອຠິສງ຺ຂໂຣຕີຕິ ອາຍູຫຕິ, ຕໍ ປນ ອາຍູຫນໍ ປຈ຺ຈຍສມວາຍສິທ຺ຘິໂຕ ສງ຺ກຑ຺ຒິຕ຺ວາ ປິຓ຺ຑນໍ ວິຍ ໂຫຕິ. ສທຸກ຺ຂໍ ໂລກນ຺ຕິ ອປາຍໂລກມາຫ. ວິປາກຜສ຺ສາຕິ ຜສ຺ສສີເສນ ຕຕ຺ຖ ວິປາກປ຺ປວຕ຺ຕມາຫ. ເວມານິກເປຕາຕິ ອິທໍ ພາຫຸລ຺ລໂຕ ວຸຕ຺ຕໍ, ອິຕເຣສມ຺ປິ ວິນິປາຕິການໍ ກາເລນ ສຸຂໍ, ກາເລນ ທຸກ຺ຂໍ ໂຫຕິ. ຕສ຺ສ ປຫານາຍາຕິ ຕສ຺ສ ຍຖາວຸຕ຺ຕສ຺ສ ກມ຺ມສ຺ສ ອນຸປ຺ປຕ຺ຕິຘມ຺ມຕາປາທນາຍ. ຍາ ເຈຕນາຕິ ຍາ ອປຈຍຄາມິນິເຈຕນາ. ເຕເນວາຫ ‘‘ວິວຏ຺ຏຄາມິນີ ມຄ຺ຄເຈຕນາ ເວທິຕພ຺ພາ’’ຕິ.

ວິຕ຺ຖາຣສຸຕ຺ຕວຓ຺ຓນາ ນິຏ຺ຐິຕາ.