໑-໑໐. ສຈິຕ຺ຕສຸຕ຺ຕາທິວຓ຺ຓນາ

໕໑-໖໐. ທຸຕິຍສ຺ສ ປຐມາທີນິ ອຸຕ຺ຕານຕ຺ຖານິ. ທສເມ ປິຕ຺ຕໍ ສມຸຏ຺ຐານເມເຕສນ຺ຕິ ປິຕ຺ຕສມຸຏ຺ຐານາ, ປິຕ຺ຕປຈ຺ຈຍາປິຕ຺ຕເຫຕຸກາຕິ ອຕ຺ໂຖ. ເສມ຺ຫສມຸຏ຺ຐານາທີສຸປິ ເອເສວ ນໂຍ. ສນ຺ນິປາຕິກາຕິ ຕິຓ຺ຓມ຺ປິ ປິຕ຺ຕາທີນໍ ໂກເປນ ສມຸຏ຺ຐິຕາ. ອຸຕຸປຣິຓາມຊາຕິ ວິສຠາຄອຸຕຸໂຕ ຊາຕາ. ຊງ຺ຄລເທສວາສີນຎ຺ຫິ ອນູປເທເສ ວສນ຺ຕານໍ ວິສຠາໂຄ ຈ ອຸຕຸ ອຸປ຺ປຊ຺ຊຕິ, ອນູປເທສວາສີນຎ຺ຈ ຊງ຺ຄລເທເສຕິ ເອວໍ ປຣສມຸທ຺ທຕີຣາທິວເສນປິ ອຸຕຸວິສຠາຄຕາ ອຸປ຺ປຊ຺ຊຕິເຍວ. ຕໂຕ ຊາຕາຕິ ອຸຕຸປຣິຓາມຊາ. ອຕ຺ຕໂນ ປກຕິຈຣິຍານໍ ວິສຍານໍ ວິສມໍ ກາຍປຣິຫຣຓວເສນ ຊາຕາ ວິສມປຣິຫາຣຊາ. ເຕນາຫ ‘‘ອຕິຈິຣຏ຺ຐານນິສຊ຺ຊາທິນາ ວິສມປຣິຫາເຣນ ຊາຕາ’’ຕິ. ອາທິ-ສທ຺ເທນ ມຫາຠາຣວຫນສຸຘາໂກຏ຺ຏນາທີນໍ ສງ຺ຄໂຫ. ປຣສ຺ສ ອຸປກ຺ກມໂຕ ນິພ຺ພຕ຺ຕາ ໂອປກ຺ກມິກາ. ພາຫິຣໍ ປຈ຺ຈຍໍ ອນເປກ຺ຂິຕ຺ວາ ເກວລໍ ກມ຺ມວິປາກໂຕວ ຊາຕາ ກມ຺ມວິປາກຊາ. ຕຕ຺ຖ ປຸຣິເມຫິ ສຕ຺ຕຫິ ກາຣເຓຫິ ອຸປ຺ປນ຺ນາ ສາຣີຣິກາ ເວທນາ ສກ຺ກາ ປຏິພາຫິຕຸໍ, ກມ຺ມວິປາກຊານໍ ປນ ສພ຺ພເຠສຊ຺ຊານິປິ ສພ຺ພປຣິຕ຺ຕານິປິ ນາລໍ ປຏິຆາຕາຍ.

ສຈິຕ຺ຕສຸຕ຺ຕາທິວຓ຺ຓນາ ນິຏ຺ຐິຕາ.

ສຈິຕ຺ຕວຄ຺ຄວຓ຺ຓນາ ນິຏ຺ຐິຕາ.