໒-໔. ອຘິວຸຕ຺ຕິປທສຸຕ຺ຕາທິວຓ຺ຓນາ

໒໒-໒໔. ທຸຕິເຍ ອຘິວຈນປທານນ຺ຕິ ປຎ຺ຎຕ຺ຕິປທານໍ. ທາສາທີສຸ ສິຣິວຑ຺ຒກາທິສທ຺ທາ ວິຍ ວຈນມຕ຺ຕເມວ ອຘິກາຣໍ ກຕ຺ວາ ປວຕ຺ຕິຍາ ອຘິວຈນໍ ປຎ຺ຎຕ຺ຕິ. ອຖ ວາ ອຘິສທ຺ໂທ ອຸປຣິຠາເຄ. ວຸຈ຺ຈຕີຕິ ວຈນໍ, ອຸປຣິ ວຈນໍ ອຘິວຈນໍ, ອຸປາທາຠູຕຣູປາທີນໍ ອຸປຣິ ປຎ຺ຎປິຍມານາ ອຸປາທາປຎ຺ຎຕ຺ຕີຕິ ອຕ຺ໂຖ, ຕສ຺ມາ ປຎ຺ຎຕ຺ຕິທີປກປທານີຕິ ອຕ຺ໂຖ ທຏ຺ຐພ຺ໂພ. ຕສ຺ສ ປທານິ ປທຏ຺ຐານານິ ອຘິວຈນປທານິ. ເຕນາຫ ‘‘ເຕສໍ ເຍ’’ຕິອາທິ. ເຕສນ຺ຕິ ອຘິວຈນານໍ. ເຍຕິ ຂນ຺ຘາທໂຍ. ອຘິວຸຕ຺ຕິຕາຍ ອຘິວຸຕ຺ຕິໂຍຕິ ທິຏ຺ຐິໂຍ ວຸຈ຺ຈນ຺ຕິ. ອຘິກຎ຺ຫິ ສຠາວຘມ຺ເມສຸ ສສ຺ສຕາທິໍ, ປກຕິອາທິໍ, ທ຺ຣພ຺ຍາທິໍ, ຊີວາທິໍ, ກາຍາທິຎ຺ຈ, ອຠູຕໍ ອຕ຺ຖໍ ອຊ຺ຌາໂຣເປຕ຺ວາ ທິຏ຺ຐິໂຍ ປວຕ຺ຕນ຺ຕີຕິ. ເຕນາຫ ‘‘ອຖ ວາ’’ຕິອາທິ. ຕຕິຍຈຕຸຕ຺ຖານິ ສຸວິຎ຺ເຎຍ຺ຍານິ.

ອຘິວຸຕ຺ຕິປທສຸຕ຺ຕາທິວຓ຺ຓນາ ນິຏ຺ຐິຕາ.