໑໙. ເອກູນວີສຕິໂມ ປຣິຈ຺ເຉໂທ

ກງ຺ຂາວິຕຣຓວິສຸທ຺ຘິນິທ຺ເທສວຓ຺ຓນາ

໑໒໓໑. ອິຈ຺ເຈວມາທິພາຕ຺ຕິໍສໂກຏ຺ຐາສານໍ ປຈ຺ຈຍສ຺ສ ເຫຕຸປຈ຺ຈເຍ ຕາວ ໂຍຄີ ມນສາ ປຣິຄ຺ຄຓ຺ຫາຕິ.

໑໒໓໓. ເຫຕ຺ວງ຺ກຸຣສ຺ສ ພີຊໍ ຕຸ ພີຊໍ ອງ຺ກຸຣສ຺ສ ເຫຕຸຊນກໍ, ປຖວາທໂຍ ອງ຺ກຸຣສ຺ສ ປຈ຺ຈຍາ.

໑໒໓໔. ປຎ຺ຈ ຘມ຺ມາຕິ ອວິຊ຺ຊາຕຓ຺ຫຸປາທານກມ຺ມາຫາຣາ ເຫຕຸປຈ຺ຈຍາ ຘມ຺ມາ.

໑໒໓໕. ກມ຺ມໍ ປຸຕ຺ຕສ຺ສ ຊນໂກ ປິຕາ ວິຍ ນາມຣູປສ຺ສ ຊນກໍ.

໑໒໓໘. ປຈ຺ຈຍາຕິ ປຈ຺ຈເຍນ.

໑໒໔໐. ຍາ ສາຕິ ຍາ ສາ ກງ຺ຂາ. ປຸພ຺ພນ຺ເຕ ປຸພ຺ພໂກຏ຺ຐາເສ.

໑໒໔໑. ສພ຺ພຖາ ສພ຺ພໂກຏ຺ຐາສໂຕ ອນວເສສາວ ຕສ຺ສ ໂຍຄິໂນ ສາ ກງ຺ຂາ ປຫິຍ຺ຍຕິ ນາສີຍເຕ.

໑໒໔໓. ອຕ຺ຖສາຘິກາຕິ ກຸສລປກ຺ເຂ ທານາທິອຕ຺ຖສາຘິກາ, ອກຸສລປກ຺ເຂ ປາຓາຕິປາຕາທິອຕ຺ຖສາຘິກາ.

ຕໍ ວິປາກນ຺ຕິ ອຸປຆາຕກກມ຺ມສ຺ສ ຕໍ ວິປາກໍ ອຸປ຺ປນ຺ນໍ ນາມ ໂຫຕິ. ເອວໍ ເອໂກ ໂຍຄີ ກມ຺ມວິປາກວເສນ ນາມຣູປສ຺ສ ປຈ຺ຈຍປຣິຄ຺ຄຫໍ ກໂຣຕິ.

໑໒໔໖. ເຫຕຸຜລສ຺ສ ສມ຺ພນ຺ຘວເສນາຕິ ເຫຕຸຜລສມ຺ພນ຺ຘວເສນ ອິທໍ ນາມຣູປໍ ເກວລໍ ເອກນ຺ເຕນ ປວຕ຺ຕຕິ, ອິຕິ ສມ຺ມາ ອວິປຣີຕາກາເຣນ ສໍ ອນຸປສ຺ສຕິ.

໑໒໔໗. ປາກປ຺ປວຕ຺ຕິໂຕ ອຸທ຺ຘໍ ປາກປຏິເວທກໍ ນ ປສ຺ສຕິ ນ ຊານິຍເຕ.

໑໒໕໐-໑. ອປ຺ປວຕ຺ຕິ ນາມ ນ ທິສ຺ສຕິ, ອຸປປນ຺ນໍ ທິສ຺ສຕິ. ຕິຕ຺ຖິຍາ ເອຕມຕ຺ຖໍ ອນຎ຺ຎາຍ ອຊານິຕ຺ວາ ອສຍໍວສີ ສຕ຺ຕສຎ຺ຎນ຺ຕິ ‘‘ສຕ຺ໂຕ’’ຕິ ສຎ຺ຎໍ ຄເຫຕ຺ວານ ສສ຺ສຕອຸຈ຺ເຉທທສ຺ສິໂນ ອຎ຺ຎມຎ຺ຎໍ ວິໂຣຘິໂນ ຫຸຕ຺ວາ ທ຺ວາສຏ຺ຐິທິຏ຺ຐິໍ ຄຓ຺ຫນ຺ຕິ.

໑໒໕໔. ອຸໂຠຕິ ອຸໂຠ ກມ຺ມວິປາກາ ອຎ຺ຎມຎ຺ຎໂຕ ສຸຎ຺ຎາ. ນ ຈ ກມ຺ມໍ ວິນາ ຜລນ຺ຕິ ກມ຺ມໍ ວິນາ ຜລໍ ນ ຈ ໂຫຕິ.

໑໒໕໕. ສມ຺ຠາເຣຫີຕິ ສູຣິຍາທິສມ຺ຠາເຣຫິ.

໑໒໕໗. ສຸຎ຺ຎໍ ຕໍ ນາມຣູປຘມ຺ມໍ.

໑໒໕໘. ເຫຕຸສມ຺ຠາຣປຈ຺ຈຍາຕິ ເຫຕຸນາ ຈ ສມ຺ຠາຣປຈ຺ຈເຍຫິ ຈ.

ອິຕິ ອຠິຘມ຺ມາວຕາຣຏີກາຍ

ກງ຺ຂາວິຕຣຓວິສຸທ຺ຘິນິທ຺ເທສວຓ຺ຓນາ ນິຏ຺ຐິຕາ.

ເອກູນວີສຕິໂມ ປຣິຈ຺ເຉໂທ.