໑. ຄງ຺ຄາເປຍ຺ຍາລວຄ຺ໂຄ

໑-໑໒. ພລາທິສຸຕ຺ຕທ຺ວາທສກໍ

໗໐໕-໗໑໖. ‘‘ປຎ຺ຈິມານິ, ຠິກ຺ຂເວ, ພລານິ. ກຕມານິ ປຎ຺ຈ? ສທ຺ຘາພລໍ, ວີຣິຍພລໍ, ສຕິພລໍ, ສມາຘິພລໍ, ປຎ຺ຎາພລໍ – ອິມານິ ໂຂ, ຠິກ຺ຂເວ, ປຎ຺ຈ ພລານີຕິ. ເສຍ຺ຍຖາປິ, ຠິກ຺ຂເວ, ຄງ຺ຄາ ນທີ ປາຈີນນິນ຺ນາ ປາຈີນໂປຓາ ປາຈີນປພ຺ຠາຣາ; ເອວເມວ ໂຂ, ຠິກ຺ຂເວ, ຠິກ຺ຂຸ ປຎ຺ຈ ພລານິ ຠາເວນ຺ໂຕ ປຎ຺ຈພລານິ ພຫຸລີກໂຣນ຺ໂຕ ນິພ຺ພານນິນ຺ໂນ ໂຫຕິ ນິພ຺ພານໂປໂຓ ນິພ຺ພານປພ຺ຠາໂຣ. ກຖຎ຺ຈ, ຠິກ຺ຂເວ, ຠິກ຺ຂຸ ປຎ຺ຈ ພລານິ ຠາເວນ຺ໂຕ ປຎ຺ຈ ພລານິ ພຫຸລີກໂຣນ຺ໂຕ ນິພ຺ພານນິນ຺ໂນ ໂຫຕິ ນິພ຺ພານໂປໂຓ ນິພ຺ພານປພ຺ຠາໂຣ? ອິຘ, ຠິກ຺ຂເວ, ຠິກ຺ຂຸ ສທ຺ຘາພລໍ ຠາເວຕິ ວິເວກນິສ຺ສິຕໍ ວິຣາຄນິສ຺ສິຕໍ ນິໂຣຘນິສ຺ສິຕໍ ໂວສ຺ສຄ຺ຄປຣິຓາມິໍ, ວີຣິຍພລໍ…ເປ… ສຕິພລໍ… ສມາຘິພລໍ… ປຎ຺ຎາພລໍ ຠາເວຕິ ວິເວກນິສ຺ສິຕໍ ວິຣາຄນິສ຺ສິຕໍ ນິໂຣຘນິສ຺ສິຕໍ ໂວສ຺ສຄ຺ຄປຣິຓາມິໍ. ເອວໍ ໂຂ, ຠິກ຺ຂເວ, ຠິກ຺ຂຸ ປຎ຺ຈ ພລານິ ຠາເວນ຺ໂຕ ປຎ຺ຈ ພລານິ ພຫຸລີກໂຣນ຺ໂຕ ນິພ຺ພານນິນ຺ໂນ ໂຫຕິ ນິພ຺ພານໂປໂຓ ນິພ຺ພານປພ຺ຠາໂຣ’’ຕິ. ທ຺ວາທສມໍ.

ຄງ຺ຄາເປຍ຺ຍາລວຄ຺ໂຄ ປຐໂມ.

ຕສ຺ສຸທ຺ທານໍ –

ຉ ປາຈີນໂຕ ນິນ຺ນາ, ຉ ນິນ຺ນາ ຈ ສມຸທ຺ທໂຕ;

ທ຺ເວເຕ ຉ ທ຺ວາທສ ໂຫນ຺ຕິ, ວຄ຺ໂຄ ເຕນ ປວຸຈ຺ຈຕີຕິ.