໕໕. ວິຎ຺ຎາຓອປ຺ປຈ຺ຈກ຺ຂກມ຺ມສຸຕ຺ຕໍ

໖໖໑. ສາວຕ຺ຖິນິທານໍ. ‘‘ວິຎ຺ຎາເຓ ໂຂ, ວຈ຺ຉ, ອປ຺ປຈ຺ຈກ຺ຂກມ຺ມາ, ວິຎ຺ຎາຓສມຸທເຍ ອປ຺ປຈ຺ຈກ຺ຂກມ຺ມາ, ວິຎ຺ຎາຓນິໂຣເຘ ອປ຺ປຈ຺ຈກ຺ຂກມ຺ມາ, ວິຎ຺ຎາຓນິໂຣຘຄາມິນິຍາ ປຏິປທາຍ ອປ຺ປຈ຺ຈກ຺ຂກມ຺ມາ; ເອວມິມານິ ອເນກວິຫິຕານິ ທິຏ຺ຐິຄຕານິ ໂລເກ ອຸປ຺ປຊ຺ຊນ຺ຕິ – ສສ຺ສໂຕ ໂລໂກຕິ ວາ, ອສສ຺ສໂຕ ໂລໂກຕິ ວາ…ເປ… ເນວ ໂຫຕິ ນ ນ ໂຫຕິ ຕຖາຄໂຕ ປຣໍ ມຣຓາຕິ ວາຕິ. ອຍໍ ໂຂ, ວຈ຺ຉ, ເຫຕຸ, ອຍໍ ປຈ຺ຈໂຍ, ຍານິມານິ ອເນກວິຫິຕານິ ທິຏ຺ຐິຄຕານິ ໂລເກ ອຸປ຺ປຊ຺ຊນ຺ຕິ – ສສ຺ສໂຕ ໂລໂກຕິ ວາ, ອສສ຺ສໂຕ ໂລໂກຕິ ວາ, ອນ຺ຕວາ ໂລໂກຕິ ວາ, ອນນ຺ຕວາ ໂລໂກຕິ ວາ, ຕໍ ຊີວໍ ຕໍ ສຣີຣນ຺ຕິ ວາ, ອຎ຺ຎໍ ຊີວໍ ອຎ຺ຎໍ ສຣີຣນ຺ຕິ ວາ, ໂຫຕິ ຕຖາຄໂຕ ປຣໍ ມຣຓາຕິ ວາ, ນ ໂຫຕິ ຕຖາຄໂຕ ປຣໍ ມຣຓາຕິ ວາ, ໂຫຕິ ຈ ນ ຈ ໂຫຕິ ຕຖາຄໂຕ ປຣໍ ມຣຓາຕິ ວາ, ເນວ ໂຫຕິ ນ ນ ໂຫຕິ ຕຖາຄໂຕ ປຣໍ ມຣຓາຕິ ວາ’’ຕິ. ປຎ຺ຈປຎ຺ຎາສມໍ.

ວຈ຺ຉໂຄຕ຺ຕສໍຍຸຕ຺ຕໍ ສມຕ຺ຕໍ.