໙. ທຸຕິຍອຠິນິເວສສຸຕ຺ຕໍ

໑໕໘. ສາວຕ຺ຖິນິທານໍ. ‘‘ກິສ຺ມິໍ ນຸ ໂຂ, ຠິກ຺ຂເວ, ສຕິ, ກິໍ ອຸປາທາຍ, ກິໍ ອຠິນິວິສ຺ສ ອຸປ຺ປຊ຺ຊນ຺ຕິ ສໍໂຍຊນາຠິນິເວສວິນິພນ຺ຘາຊ຺ໂຌສານາ’’ຕິ? [ວິນິພນ຺ຘາ ອຊ຺ໂຌສານາຕິ (ສີ. ກ.)] ຠຄວໍມູລກາ ໂນ, ຠນ຺ເຕ, ຘມ຺ມາ…ເປ… ‘‘ຣູເປ ໂຂ, ຠິກ຺ຂເວ, ສຕິ, ຣູປໍ ອຸປາທາຍ, ຣູປໍ ອຠິນິວິສ຺ສ ອຸປ຺ປຊ຺ຊນ຺ຕິ ສໍໂຍຊນາຠິນິເວສວິນິພນ຺ຘາຊ຺ໂຌສານາ. ເວທນາຍ ສຕິ … ສຎ຺ຎາຍ ສຕິ… ສງ຺ຂາເຣສຸ ສຕິ… ວິຎ຺ຎາເຓ ສຕິ, ວິຎ຺ຎາຓໍ ອຸປາທາຍ, ວິຎ຺ຎາຓໍ ອຠິນິວິສ຺ສ ອຸປ຺ປຊ຺ຊນ຺ຕິ ສໍໂຍຊນາຠິນິເວສວິນິພນ຺ຘາຊ຺ໂຌສານາ. ຕໍ ກິໍ ມຎ຺ຎຖ, ຠິກ຺ຂເວ, ຣູປໍ ນິຈ຺ຈໍ ວາ ອນິຈ຺ຈໍ ວາ’’ຕິ? ‘‘ອນິຈ຺ຈໍ, ຠນ຺ເຕ’’. ‘‘ຍໍ ປນານິຈ຺ຈໍ…ເປ… ອປິ ນຸ ຕໍ ອນຸປາທາຍ ອຸປ຺ປຊ຺ເຊຍ຺ຍຸໍ ສໍໂຍຊນາຠິນິເວສວິນິພນ຺ຘາຊ຺ໂຌສານາ’’ຕິ? ‘‘ໂນ ເຫຕໍ, ຠນ຺ເຕ’’…ເປ… ‘‘ເອວໍ ປສ຺ສໍ…ເປ… ນາປຣໍ ອິຕ຺ຖຕ຺ຕາຍາຕິ ປຊານາຕີ’’ຕິ. ນວມໍ.