໘-໑໓. ປິຕຸສຸຕ຺ຕາທິຉກ຺ກໍ

໑໘໗. ສາວຕ຺ຖິຍໍ ວິຫຣຕິ…ເປ… ‘‘ທາຣຸໂຓ, ຠິກ຺ຂເວ, ລາຠສກ຺ກາຣສິໂລໂກ ກຏຸໂກ ຜຣຸໂສ ອນ຺ຕຣາຍິໂກ ອນຸຕ຺ຕຣສ຺ສ ໂຍຄກ຺ເຂມສ຺ສ ອຘິຄມາຍ. ອິຘາຫໍ, ຠິກ຺ຂເວ, ເອກຈ຺ຈໍ ປຸຄ຺ຄລໍ ເອວໍ ເຈຕສາ ເຈໂຕ ປຣິຈ຺ຈ ປຊານາມິ – ‘ນ ຈາຍມາຍສ຺ມາ ປິຕຸປິ ເຫຕຸ…ເປ… ຠາຕຸປິ ເຫຕຸ… ຠຄິນິຍາປິ ເຫຕຸ… ປຸຕ຺ຕສ຺ສປິ ເຫຕຸ… ຘີຕຸຍາປິ ເຫຕຸ… ປຊາປຕິຍາປິ ເຫຕຸ ສມ຺ປຊານມຸສາ ຠາເສຍ຺ຍາ’ຕິ. ຕເມນໍ ປສ຺ສາມິ ອປເຣນ ສມເຍນ ລາຠສກ຺ກາຣສິໂລເກນ ອຠິຠູຕໍ ປຣິຍາທິຓ຺ຓຈິຕ຺ຕໍ ສມ຺ປຊານມຸສາ ຠາສນ຺ຕໍ. ເອວໍ ທາຣຸໂຓ ໂຂ, ຠິກ຺ຂເວ, ລາຠສກ຺ກາຣສິໂລໂກ ກຏຸໂກ ຜຣຸໂສ ອນ຺ຕຣາຍິໂກ ອນຸຕ຺ຕຣສ຺ສ ໂຍຄກ຺ເຂມສ຺ສ ອຘິຄມາຍ. ຕສ຺ມາຕິຫ, ຠິກ຺ຂເວ, ເອວໍ ສິກ຺ຂິຕພ຺ພໍ – ‘ອຸປ຺ປນ຺ນໍ ລາຠສກ຺ກາຣສິໂລກໍ ປຊຫິສ຺ສາມ, ນ ຈ ໂນ ອຸປ຺ປນ຺ໂນ ລາຠສກ຺ກາຣສິໂລໂກ ຈິຕ຺ຕໍ ປຣິຍາທາຍ ຐສ຺ສຕີ’ຕິ. ເອວຎ຺ຫິ ໂວ, ຠິກ຺ຂເວ, ສິກ຺ຂິຕພ຺ພ’’ນ຺ຕິ. ເຕຣສມໍ.

ຈຕຸຕ຺ໂຖ ວຄ຺ໂຄ.

ຕສ຺ສຸທ຺ທານໍ –

ຠິນ຺ທິ ມູລໍ ທຸເວ ຘມ຺ມາ, ປກ຺ກນ຺ຕໍ ຣຖ ມາຕຣິ;

ປິຕາ ຠາຕາ ຈ ຠຄິນີ, ປຸຕ຺ໂຕ ຘີຕາ ປຊາປຕີຕິ.

ລາຠສກ຺ກາຣສໍຍຸຕ຺ຕໍ ສມຕ຺ຕໍ.