໕. ທສກມ຺ມປຖສຸຕ຺ຕໍ

໑໑໑. ສາວຕ຺ຖິຍໍ ວິຫຣຕິ…ເປ… ‘‘ຘາຕຸໂສວ, ຠິກ຺ຂເວ, ສຕ຺ຕາ ສໍສນ຺ທນ຺ຕິ ສເມນ຺ຕິ. ປາຓາຕິປາຕິໂນ ປາຓາຕິປາຕີຫິ ສທ຺ຘິໍ ສໍສນ຺ທນ຺ຕິ ສເມນ຺ຕິ; ອທິນ຺ນາທາຍິໂນ…ເປ… ກາເມສຸມິຈ຺ຉາຈາຣິໂນ… ມຸສາວາທິໂນ… ປິສຸຓວາຈາ… ຜຣຸສວາຈາ… ສມ຺ຜປ຺ປລາປິໂນ ສມ຺ຜປ຺ປລາປີຫິ ສທ຺ຘິໍ ສໍສນ຺ທນ຺ຕິ ສເມນ຺ຕິ; ອຠິຊ຺ຌາລຸໂນ ອຠິຊ຺ຌາລູຫິ ສທ຺ຘິໍ ສໍສນ຺ທນ຺ຕິ ສເມນ຺ຕິ; ພ຺ຍາປນ຺ນຈິຕ຺ຕາ ພ຺ຍາປນ຺ນຈິຕ຺ເຕຫິ ສທ຺ຘິໍ ສໍສນ຺ທນ຺ຕິ ສເມນ຺ຕິ; ມິຈ຺ຉາທິຏ຺ຐິກາ ມິຈ຺ຉາທິຏ຺ຐິເກຫິ ສທ຺ຘິໍ ສໍສນ຺ທນ຺ຕິ ສເມນ຺ຕິ’’.

‘‘ປາຓາຕິປາຕາ ປຏິວິຣຕາ ປາຓາຕິປາຕາ ປຏິວິຣເຕຫິ ສທ຺ຘິໍ ສໍສນ຺ທນ຺ຕິ ສເມນ຺ຕິ; ອທິນ຺ນາທານາ ປຏິວິຣຕາ…ເປ… ກາເມສຸມິຈ຺ຉາຈາຣາ ປຏິວິຣຕາ… ມຸສາວາທາ ປຏິວິຣຕາ… ປິສຸຓາຍ ວາຈາຍ… ຜຣຸສາຍ ວາຈາຍ… ສມ຺ຜປ຺ປລາປາ ປຏິວິຣຕາ ສມ຺ຜປ຺ປລາປາ ປຏິວິຣເຕຫິ ສທ຺ຘິໍ ສໍສນ຺ທນ຺ຕິ ສເມນ຺ຕິ; ອນຠິຊ຺ຌາລຸໂນ ອນຠິຊ຺ຌາລູຫິ ສທ຺ຘິໍ ສໍສນ຺ທນ຺ຕິ ສເມນ຺ຕິ; ອພ຺ຍາປນ຺ນຈິຕ຺ຕາ ອພ຺ຍາປນ຺ນຈິຕ຺ເຕຫິ ສທ຺ຘິໍ ສໍສນ຺ທນ຺ຕິ ສເມນ຺ຕິ; ສມ຺ມາທິຏ຺ຐິກາ ສມ຺ມາທິຏ຺ຐິເກຫິ ສທ຺ຘິໍ ສໍສນ຺ທນ຺ຕິ ສເມນ຺ຕີ’’ຕິ. ປຎ຺ຈມໍ.