໑໑. ອຣຓສຸຕ຺ຕໍ

໘໑. ‘‘ເກສູຘ ອຣຓາ ໂລເກ, ເກສໍ ວຸສິຕໍ ນ ນສ຺ສຕິ;

ເກຘ ອິຈ຺ຉໍ ປຣິຊານນ຺ຕິ, ເກສໍ ໂຠຊິສ຺ສິຍໍ ສທາ.

‘‘ກິໍສຸ ມາຕາ ປິຕາ ຠາຕາ, ວນ຺ທນ຺ຕິ ນໍ ປຕິຏ຺ຐິຕໍ;

ກິໍສຸ ອິຘ ຊາຕິຫີນໍ, ອຠິວາເທນ຺ຕິ ຂຕ຺ຕິຍາ’’ຕິ.

‘‘ສມຓີຘ ອຣຓາ ໂລເກ, ສມຓານໍ ວຸສິຕໍ ນ ນສ຺ສຕິ;

ສມຓາ ອິຈ຺ຉໍ ປຣິຊານນ຺ຕິ, ສມຓານໍ ໂຠຊິສ຺ສິຍໍ ສທາ.

‘‘ສມຓໍ ມາຕາ ປິຕາ ຠາຕາ, ວນ຺ທນ຺ຕິ ນໍ ປຕິຏ຺ຐິຕໍ;

ສມຓີຘ ຊາຕິຫີນໍ, ອຠິວາເທນ຺ຕິ ຂຕ຺ຕິຍາ’’ຕິ.

ເຉຕ຺ວາວຄ຺ໂຄ ອຏ຺ຐໂມ.

ຕສ຺ສຸທ຺ທານໍ –

ເຉຕ຺ວາ ຣຖຎ຺ຈ ຈິຕ຺ຕຎ຺ຈ, ວຸຏ຺ຐິ ຠີຕາ ນຊີຣຕິ;

ອິສ຺ສຣໍ ກາມໍ ປາເຖຍ຺ຍໍ, ປຊ຺ໂຊໂຕ ອຣເຓນ ຈາຕິ.

ເທວຕາສໍຍຸຕ຺ຕໍ ສມຕ຺ຕໍ.