໗. ທຸຕິຍກຣຓີຍວິມານວຕ຺ຖຸ

໙໓໕. ‘‘ອຸຈ຺ຈມິທໍ ມຓິຖູຓໍ ວິມານໍ, ສມນ຺ຕໂຕ ທ຺ວາທສ ໂຍຊນານິ;

ກູຏາຄາຣາ ສຕ຺ຕສຕາ ອຸຬາຣາ, ເວຬຸຣິຍຖມ຺ຠາ ຣຸຈກຕ຺ຖຕາ ສຸຠາ.

໙໓໖. ‘‘ຕຕ຺ຖຈ຺ຉສິ ປິວສິ ຂາທສິ ຈ, ທິພ຺ພາ ຈ ວີຓາ ປວທນ຺ຕິ ວຄ຺ຄຸໍ;

ທິພ຺ພາ ຣສາ ກາມຄຸເຓຕ຺ຖ ປຎ຺ຈ, ນາຣິໂຍ ຈ ນຈ຺ຈນ຺ຕິ ສຸວຓ຺ຓຉນ຺ນາ.

໙໓໗. ‘‘ເກນ ເຕຕາທິໂສ ວຓ຺ໂຓ…ເປ… ວຓ຺ໂຓ ຈ ເຕ ສພ຺ພທິສາ ປຠາສຕີ’’ຕິ.

໙໓໙. ໂສ ເທວປຸຕ຺ໂຕ ອຕ຺ຕມໂນ…ເປ… ຍສ຺ສ ກມ຺ມສ຺ສິທໍ ຜລໍ.

໙໔໐. ‘‘ກຣຓີຍານິ ປຸຎ຺ຎານິ, ປຓ຺ຑິເຕນ ວິຊານຕາ;

ສມ຺ມຄ຺ຄເຕສຸ ຠິກ຺ຂູສຸ, ຍຕ຺ຖ ທິນ຺ນໍ ມຫປ຺ຜລໍ.

໙໔໑. ‘‘ອຕ຺ຖາຍ ວຕ ເມ ຠິກ຺ຂຸ, ອຣຎ຺ຎາ ຄາມມາຄໂຕ;

ຕຕ຺ຖ ຈິຕ຺ຕໍ ປສາເທຕ຺ວາ, ຕາວຕິໍສູປໂຄ ອຫໍ.

໙໔໒. ‘‘ເຕນ ເມຕາທິໂສ ວຓ຺ໂຓ…ເປ…

ວຓ຺ໂຓ ຈ ເມ ສພ຺ພທິສາ ປຠາສຕີ’’ຕິ.

ທຸຕິຍກຣຓີຍວິມານໍ ສຕ຺ຕມໍ.