໔. ຈຕຸກ຺ກນິປາໂຕ

໑. ຠທ຺ທາກາປິລານີເຖຣີຄາຖາ

໖໓. ‘‘ປຸຕ຺ໂຕ ພຸທ຺ຘສ຺ສ ທາຍາໂທ, ກສ຺ສໂປ ສຸສມາຫິໂຕ;

ປຸພ຺ເພນິວາສໍ ໂຍເວທິ, ສຄ຺ຄາປາຍຎ຺ຈ ປສ຺ສຕິ.

໖໔. ‘‘ອໂຖ ຊາຕິກ຺ຂຍໍ ປຕ຺ໂຕ, ອຠິຎ຺ຎາໂວສິໂຕ ມຸນິ;

ເອຕາຫິ ຕີຫິ ວິຊ຺ຊາຫິ, ເຕວິຊ຺ໂຊ ໂຫຕິ ພ຺ຣາຫ຺ມໂຓ.

໖໕. ‘‘ຕເຖວ ຠທ຺ທາ ກາປິລານີ, ເຕວິຊ຺ຊາ ມຈ຺ຈຸຫາຍິນີ;

ຘາເຣຕິ ອນ຺ຕິມໍ ເທຫໍ, ເຊຕ຺ວາ ມາຣໍ ສວາຫນໍ.

໖໖. ‘‘ທິສ຺ວາ ອາທີນວໍ ໂລເກ, ອຸໂຠ ປພ຺ພຊິຕາ ມຍໍ;

ຕ຺ຍມ຺ຫ ຂີຓາສວາ ທນ຺ຕາ, ສີຕິຠູຕມ຺ຫ ນິພ຺ພຸຕາ’’ຕິ.

… ຠທ຺ທາ ກາປິລານີ ເຖຣີ….

ຈຕຸກ຺ກນິປາໂຕ ນິຏ຺ຐິໂຕ.