໓. ໂມທກທາຍິກາເຖຣີອປທານໍ

໓໐. ‘‘ນຄເຣ ພນ຺ຘຸມຕິຍາ, ກຸມ຺ຠທາສີ ອໂຫສຫໍ;

ມມ ຠາຄໍ ຄເຫຕ຺ວານ, ຄຈ຺ຉໍ ອຸທກຫາຣິກາ [ອຸທກຫາຣິກໍ (ສີ.), ອຸທກຫາຣິເກ (ສ຺ຍາ.)].

໓໑. ‘‘ປນ຺ຖມ຺ຫິ ສມຓໍ ທິສ຺ວາ, ສນ຺ຕຈິຕ຺ຕໍ ສມາຫຕໍ;

ປສນ຺ນຈິຕ຺ຕາ ສຸມນາ, ໂມທເກ ຕີຓິທາສຫໍ.

໓໒. ‘‘ເຕນ ກມ຺ເມນ ສຸກເຕນ, ເຈຕນາປຓິຘີຫິ ຈ;

ເອກນວຸຕິກປ຺ປານິ [ເອກູນຕິໍສກປ຺ປານິ (ສ຺ຍາ.)], ວິນິປາຕໍ ນຄຈ຺ຉຫໍ.

໓໓. ‘‘ສມ຺ປຕ຺ຕິ ຕໍ [ສມ຺ປຕ຺ຕິຎ຺ຈ (ສ຺ຍາ.), ສມ຺ປຕ຺ຕິກໍ (ກ.)] ກຣິຕ຺ວານ, ສພ຺ພໍ ອນຸຠວິໍ ອຫໍ;

ໂມທເກ ຕີຓິ ທຕ຺ວານ, ປຕ຺ຕາຫໍ ອຈລໍ ປທໍ.

໓໔. ‘‘ກິເລສາ ຌາປິຕາ ມຍ຺ຫໍ…ເປ… ວິຫຣາມິ ອນາສວາ.

໓໕. ‘‘ສ຺ວາຄຕໍ ວຕ ເມ ອາສິ…ເປ… ກຕໍ ພຸທ຺ຘສ຺ສ ສາສນໍ.

໓໖. ‘‘ປຏິສມ຺ຠິທາ ຈຕສ຺ໂສ…ເປ… ກຕໍ ພຸທ຺ຘສ຺ສ ສາສນໍ’’.

ອິຕ຺ຖໍ ສຸທໍ ໂມທກທາຍິກາ ຠິກ຺ຂຸນີ ອິມາ ຄາຖາໂຍ ອຠາສິຕ຺ຖາຕິ.

ໂມທກທາຍິກາເຖຣິຍາປທານໍ ຕຕິຍໍ.