໔. ສຕ຺ຕໂພຘິສຕ຺ຕວາໂຣ

໓໓. ‘‘‘ສມຸທໂຍ ສມຸທໂຍ’ຕິ ໂຂ, ຠິກ຺ຂເວ, ວິປສ຺ສິສ຺ສ ໂພຘິສຕ຺ຕສ຺ສ ປຸພ຺ເພ ອນນຸສ຺ສຸເຕສຸ ຘມ຺ເມສຸ ຈກ຺ຂຸໍ ອຸທປາທິ…ເປ… ອາໂລໂກ ອຸທປາທິ. ‘ນິໂຣໂຘ ນິໂຣໂຘ’ຕິ ໂຂ, ຠິກ຺ຂເວ, ວິປສ຺ສິສ຺ສ ໂພຘິສຕ຺ຕສ຺ສ ປຸພ຺ເພ ອນນຸສ຺ສຸເຕສຸ ຘມ຺ເມສຸ ຈກ຺ຂຸໍ ອຸທປາທິ…ເປ… ອາໂລໂກ ອຸທປາທິ’’. ວິປສ຺ສິສ຺ສ ໂພຘິສຕ຺ຕສ຺ສ ເວຍ຺ຍາກຣເຓ ທສ ຘມ຺ມາ, ທສ ອຕ຺ຖາ, ວີສຕິ ນິຣຸຕ຺ຕິໂຍ, ຈຕ຺ຕາລີສໍ [ຈຕ຺ຕາລີສ (ກ.)] ຎາຓານິ.

‘‘‘ສມຸທໂຍ ສມຸທໂຍ’ຕິ ໂຂ, ຠິກ຺ຂເວ, ສິຂິສ຺ສ ໂພຘິສຕ຺ຕສ຺ສ…ເປ… ເວສ຺ສຠຸສ຺ສ ໂພຘິສຕ຺ຕສ຺ສ…ເປ… ກກຸສນ຺ຘສ຺ສ ໂພຘິສຕ຺ຕສ຺ສ…ເປ… ໂກຓາຄມນສ຺ສ ໂພຘິສຕ຺ຕສ຺ສ…ເປ… ກສ຺ສປສ຺ສ ໂພຘິສຕ຺ຕສ຺ສ ປຸພ຺ເພ ອນນຸສ຺ສຸເຕສຸ ຘມ຺ເມສຸ ຈກ຺ຂຸໍ ອຸທປາທິ…ເປ… ອາໂລໂກ ອຸທປາທິ. ‘ນິໂຣໂຘ ນິໂຣໂຘ’ຕິ ໂຂ, ຠິກ຺ຂເວ, ກສ຺ສປສ຺ສ ໂພຘິສຕ຺ຕສ຺ສ ປຸພ຺ເພ ອນນຸສ຺ສຸເຕສຸ ຘມ຺ເມສຸ ຈກ຺ຂຸໍ ອຸທປາທິ…ເປ… ອາໂລໂກ ອຸທປາທິ’’. ກສ຺ສປສ຺ສ ໂພຘິສຕ຺ຕສ຺ສ ເວຍ຺ຍາກຣເຓ ທສ ຘມ຺ມາ, ທສ ອຕ຺ຖາ, ວີສຕິ ນິຣຸຕ຺ຕິໂຍ, ຈຕ຺ຕາລີສ ຎາຓານິ.

‘‘‘ສມຸທໂຍ ສມຸທໂຍ’ຕິ ໂຂ, ຠິກ຺ຂເວ, ໂຄຕມສ຺ສ ໂພຘິສຕ຺ຕສ຺ສ ປຸພ຺ເພ ອນນຸສ຺ສຸເຕສຸ ຘມ຺ເມສຸ ຈກ຺ຂຸໍ ອຸທປາທິ…ເປ… ອາໂລໂກ ອຸທປາທິ. ‘ນິໂຣໂຘ ນິໂຣໂຘ’ຕິ ໂຂ, ຠິກ຺ຂເວ, ໂຄຕມສ຺ສ ໂພຘິສຕ຺ຕສ຺ສ ປຸພ຺ເພ ອນນຸສ຺ສຸເຕສຸ ຘມ຺ເມສຸ ຈກ຺ຂຸໍ ອຸທປາທິ…ເປ… ອາໂລໂກ ອຸທປາທິ’’. ໂຄຕມສ຺ສ ໂພຘິສຕ຺ຕສ຺ສ ເວຍ຺ຍາກຣເຓ ທສ ຘມ຺ມາ, ທສ ອຕ຺ຖາ, ວີສຕິ ນິຣຸຕ຺ຕິໂຍ, ຈຕ຺ຕາລີສ ຎາຓານິ.

ສຕ຺ຕນ຺ນໍ ໂພຘິສຕ຺ຕານໍ ສຕ຺ຕສຸ ເວຍ຺ຍາກຣເຓສຸ ສຕ຺ຕຕິ ຘມ຺ມາ, ສຕ຺ຕຕິ ອຕ຺ຖາ, ຈຕ຺ຕາລີສສຕໍ [ຈຕ຺ຕາຣີສສຕາ (ສ຺ຍາ.)] ນິຣຸຕ຺ຕິໂຍ, ອສີຕິ ຈ ທ຺ເວ ຈ ຎາຓສຕານິ.