໒໙-໓໑. ຎາຓຕ຺ຕຍນິທ຺ເທໂສ

໗໘. ກຖໍ ວິຫາຣນານຕ຺ເຕ ປຎ຺ຎາ ວິຫາຣຏ຺ເຐ ຎາຓໍ, ສມາປຕ຺ຕິນານຕ຺ເຕ ປຎ຺ຎາ ສມາປຕ຺ຕຏ຺ເຐ ຎາຓໍ, ວິຫາຣສມາປຕ຺ຕິນານຕ຺ເຕ ປຎ຺ຎາ ວິຫາຣສມາປຕ຺ຕຏ຺ເຐ ຎາຓໍ? ນິມິຕ຺ຕໍ ຠຍໂຕ ສມ຺ປສ຺ສມາໂນ ອນິມິຕ຺ເຕ ອຘິມຸຕ຺ຕຕ຺ຕາ ຜຸສ຺ສ ຜຸສ຺ສ ວຍໍ ປສ຺ສຕິ – ອນິມິຕ຺ໂຕ ວິຫາໂຣ. ປຓິຘິໍ ຠຍໂຕ ສມ຺ປສ຺ສມາໂນ ອປ຺ປຓິຫິເຕ ອຘິມຸຕ຺ຕຕ຺ຕາ ຜຸສ຺ສ ຜຸສ຺ສ ວຍໍ ປສ຺ສຕິ – ອປ຺ປຓິຫິໂຕ ວິຫາໂຣ. ອຠິນິເວສໍ ຠຍໂຕ ສມ຺ປສ຺ສມາໂນ ສຸຎ຺ຎເຕ ອຘິມຸຕ຺ຕຕ຺ຕາ ຜຸສ຺ສ ຜຸສ຺ສ ວຍໍ ປສ຺ສຕິ – ສຸຎ຺ຎໂຕ ວິຫາໂຣ.

ນິມິຕ຺ຕໍ ຠຍໂຕ ສມ຺ປສ຺ສມາໂນ ອນິມິຕ຺ເຕ ອຘິມຸຕ຺ຕຕ຺ຕາ ປວຕ຺ຕໍ ອຊ຺ຌຸເປກ຺ຂິຕ຺ວາ ນິໂຣຘໍ ນິພ຺ພານໍ ອນິມິຕ຺ຕໍ ອາວຊ຺ຊິຕ຺ວາ ສມາປຊ຺ຊຕິ – ອນິມິຕ຺ຕາ ສມາປຕ຺ຕິ. ປຓິຘິໍ ຠຍໂຕ ສມ຺ປສ຺ສມາໂນ ອປ຺ປຓິຫິເຕ ອຘິມຸຕ຺ຕຕ຺ຕາ ປວຕ຺ຕໍ ອຊ຺ຌຸເປກ຺ຂິຕ຺ວາ ນິໂຣຘໍ ນິພ຺ພານໍ ອປ຺ປຓິຫິຕໍ ອາວຊ຺ຊິຕ຺ວາ ສມາປຊ຺ຊຕິ – ອປ຺ປຓິຫິຕາ ສມາປຕ຺ຕິ. ອຠິນິເວສໍ ຠຍໂຕ ສມ຺ປສ຺ສມາໂນ ສຸຎ຺ຎເຕ ອຘິມຸຕ຺ຕຕ຺ຕາ ປວຕ຺ຕໍ ອຊ຺ຌຸເປກ຺ຂິຕ຺ວາ ນິໂຣຘໍ ນິພ຺ພານໍ ສຸຎ຺ຎຕໍ ອາວຊ຺ຊິຕ຺ວາ ສມາປຊ຺ຊຕິ – ສຸຎ຺ຎຕາ ສມາປຕ຺ຕິ.

ນິມິຕ຺ຕໍ ຠຍໂຕ ສມ຺ປສ຺ສມາໂນ ອນິມິຕ຺ເຕ ອຘິມຸຕ຺ຕຕ຺ຕາ ຜຸສ຺ສ ຜຸສ຺ສ ວຍໍ ປສ຺ສຕິ, ປວຕ຺ຕໍ ອຊ຺ຌຸເປກ຺ຂິຕ຺ວາ ນິໂຣຘໍ ນິພ຺ພານໍ ອນິມິຕ຺ຕໍ ອາວຊ຺ຊິຕ຺ວາ ສມາປຊ຺ຊຕິ – ອນິມິຕ຺ຕວິຫາຣສມາປຕ຺ຕິ. ປຓິຘິໍ ຠຍໂຕ ສມ຺ປສ຺ສມາໂນ ອປ຺ປຓິຫິເຕ ອຘິມຸຕ຺ຕຕ຺ຕາ ຜຸສ຺ສ ຜຸສ຺ສ ວຍໍ ປສ຺ສຕິ, ປວຕ຺ຕໍ ອຊ຺ຌຸເປກ຺ຂິຕ຺ວາ ນິໂຣຘໍ ນິພ຺ພານໍ ອປ຺ປຓິຫິຕໍ ອາວຊ຺ຊິຕ຺ວາ ສມາປຊ຺ຊຕິ – ອປ຺ປຓິຫິຕວິຫາຣສມາປຕ຺ຕິ. ອຠິນິເວສໍ ຠຍໂຕ ສມ຺ປສ຺ສມາໂນ ສຸຎ຺ຎເຕ ອຘິມຸຕ຺ຕຕ຺ຕາ ຜຸສ຺ສ ຜຸສ຺ສ ວຍໍ ປສ຺ສຕິ, ປວຕ຺ຕໍ ອຊ຺ຌຸເປກ຺ຂິຕ຺ວາ ນິໂຣຘໍ ນິພ຺ພານໍ ສຸຎ຺ຎຕໍ ອາວຊ຺ຊິຕ຺ວາ ສມາປຊ຺ຊຕິ – ສຸຎ຺ຎຕວິຫາຣສມາປຕ຺ຕິ.

໗໙. ຣູປນິມິຕ຺ຕໍ ຠຍໂຕ ສມ຺ປສ຺ສມາໂນ ອນິມິຕ຺ເຕ ອຘິມຸຕ຺ຕຕ຺ຕາ ຜຸສ຺ສ ຜຸສ຺ສ ວຍໍ ປສ຺ສຕິ – ອນິມິຕ຺ໂຕ ວິຫາໂຣ. ຣູປປຓິຘິໍ ຠຍໂຕ ສມ຺ປສ຺ສມາໂນ ອປ຺ປຓິຫິເຕ ອຘິມຸຕ຺ຕຕ຺ຕາ ຜຸສ຺ສ ຜຸສ຺ສ ວຍໍ ປສ຺ສຕິ – ອປ຺ປຓິຫິໂຕ ວິຫາໂຣ. ຣູປາຠິນິເວສໍ ຠຍໂຕ ສມ຺ປສ຺ສມາໂນ ສຸຎ຺ຎເຕ ອຘິມຸຕ຺ຕຕ຺ຕາ ຜຸສ຺ສ ຜຸສ຺ສ ວຍໍ ປສ຺ສຕິ – ສຸຎ຺ຎໂຕ ວິຫາໂຣ.

ຣູປນິມິຕ຺ຕໍ ຠຍໂຕ ສມ຺ປສ຺ສມາໂນ ອນິມິຕ຺ເຕ ອຘິມຸຕ຺ຕຕ຺ຕາ ປວຕ຺ຕໍ ອຊ຺ຌຸເປກ຺ຂິຕ຺ວາ ນິໂຣຘໍ ນິພ຺ພານໍ ອນິມິຕ຺ຕໍ ອາວຊ຺ຊິຕ຺ວາ ສມາປຊ຺ຊຕິ – ອນິມິຕ຺ຕາ ສມາປຕ຺ຕິ. ຣູປປຓິຘິໍ ຠຍໂຕ ສມ຺ປສ຺ສມາໂນ ອປ຺ປຓິຫິເຕ ອຘິມຸຕ຺ຕຕ຺ຕາ ປວຕ຺ຕໍ ອຊ຺ຌຸເປກ຺ຂິຕ຺ວາ ນິໂຣຘໍ ນິພ຺ພານໍ ອປ຺ປຓິຫິຕໍ ອາວຊ຺ຊິຕ຺ວາ ສມາປຊ຺ຊຕິ – ອປ຺ປຓິຫິຕາ ສມາປຕ຺ຕິ. ຣູປາຠິນິເວສໍ ຠຍໂຕ ສມ຺ປສ຺ສມາໂນ ສຸຎ຺ຎເຕ ອຘິມຸຕ຺ຕຕ຺ຕາ ປວຕ຺ຕໍ ອຊ຺ຌຸເປກ຺ຂິຕ຺ວາ ນິໂຣຘໍ ນິພ຺ພານໍ ສຸຎ຺ຎຕໍ ອາວຊ຺ຊິຕ຺ວາ ສມາປຊ຺ຊຕິ – ສຸຎ຺ຎຕາ ສມາປຕ຺ຕິ.

ຣູປນິມິຕ຺ຕໍ ຠຍໂຕ ສມ຺ປສ຺ສມາໂນ ອນິມິຕ຺ເຕ ອຘິມຸຕ຺ຕຕ຺ຕາ ຜຸສ຺ສ ຜຸສ຺ສ ວຍໍ ປສ຺ສຕິ, ປວຕ຺ຕໍ ອຊ຺ຌຸເປກ຺ຂິຕ຺ວາ ນິໂຣຘໍ ນິພ຺ພານໍ ອນິມິຕ຺ຕໍ ອາວຊ຺ຊິຕ຺ວາ ສມາປຊ຺ຊຕິ – ອນິມິຕ຺ຕວິຫາຣສມາປຕ຺ຕິ. ຣູປປຓິຘິໍ ຠຍໂຕ ສມ຺ປສ຺ສມາໂນ ອປ຺ປຓິຫິເຕ ອຘິມຸຕ຺ຕຕ຺ຕາ ຜຸສ຺ສ ຜຸສ຺ສ ວຍໍ ປສ຺ສຕິ, ປວຕ຺ຕໍ ອຊ຺ຌຸເປກ຺ຂິຕ຺ວາ ນິໂຣຘໍ ນິພ຺ພານໍ ອປ຺ປຓິຫິຕໍ ອາວຊ຺ຊິຕ຺ວາ ສມາປຊ຺ຊຕິ – ອປ຺ປຓິຫິຕວິຫາຣສມາປຕ຺ຕິ. ຣູປາຠິນິເວສໍ ຠຍໂຕ ສມ຺ປສ຺ສມາໂນ ສຸຎ຺ຎເຕ ອຘິມຸຕ຺ຕຕ຺ຕາ ຜຸສ຺ສ ຜຸສ຺ສ ວຍໍ ປສ຺ສຕິ, ປວຕ຺ຕໍ ອຊ຺ຌຸເປກ຺ຂິຕ຺ວາ ນິໂຣຘໍ ນິພ຺ພານໍ ສຸຎ຺ຎຕໍ ອາວຊ຺ຊິຕ຺ວາ ສມາປຊ຺ຊຕິ – ສຸຎ຺ຎຕວິຫາຣສມາປຕ຺ຕິ.

ເວທນານິມິຕ຺ຕໍ …ເປ… ສຎ຺ຎານິມິຕ຺ຕໍ… ສງ຺ຂາຣນິມິຕ຺ຕໍ… ວິຎ຺ຎາຓນິມິຕ຺ຕໍ… ຈກ຺ຂຸນິມິຕ຺ຕໍ…ເປ… ຊຣາມຣຓນິມິຕ຺ຕໍ ຠຍໂຕ ສມ຺ປສ຺ສມາໂນ ອນິມິຕ຺ເຕ ອຘິມຸຕ຺ຕຕ຺ຕາ ຜຸສ຺ສ ຜຸສ຺ສ ວຍໍ ປສ຺ສຕິ – ອນິມິຕ຺ໂຕ ວິຫາໂຣ. ຊຣາມຣຓປຓິຘິໍ ຠຍໂຕ ສມ຺ປສ຺ສມາໂນ ອປ຺ປຓິຫິເຕ ອຘິມຸຕ຺ຕຕ຺ຕາ ຜຸສ຺ສ ຜຸສ຺ສ ວຍໍ ປສ຺ສຕິ – ອປ຺ປຓິຫິໂຕ ວິຫາໂຣ. ຊຣາມຣຓາຠິນິເວສໍ ຠຍໂຕ ສມ຺ປສ຺ສມາໂນ ສຸຎ຺ຎເຕ ອຘິມຸຕ຺ຕຕ຺ຕາ ຜຸສ຺ສ ຜຸສ຺ສ ວຍໍ ປສ຺ສຕິ – ສຸຎ຺ຎໂຕ ວິຫາໂຣ.

ຊຣາມຣຓນິມິຕ຺ຕໍ ຠຍໂຕ ສມ຺ປສ຺ສມາໂນ ອນິມິຕ຺ເຕ ອຘິມຸຕ຺ຕຕ຺ຕາ ປວຕ຺ຕໍ ອຊ຺ຌຸເປກ຺ຂິຕ຺ວາ ນິໂຣຘໍ ນິພ຺ພານໍ ອນິມິຕ຺ຕໍ ອາວຊ຺ຊິຕ຺ວາ ສມາປຊ຺ຊຕິ – ອນິມິຕ຺ຕາ ສມາປຕ຺ຕິ. ຊຣາມຣຓປຓິຘິໍ ຠຍໂຕ ສມ຺ປສ຺ສມາໂນ ອປ຺ປຓິຫິເຕ ອຘິມຸຕ຺ຕຕ຺ຕາ ປວຕ຺ຕໍ ອຊ຺ຌຸເປກ຺ຂິຕ຺ວາ ນິໂຣຘໍ ນິພ຺ພານໍ ອປ຺ປຓິຫິຕໍ ອາວຊ຺ຊິຕ຺ວາ ສມາປຊ຺ຊຕິ – ອປ຺ປຓິຫິຕາ ສມາປຕ຺ຕິ. ຊຣາມຣຓາຠິນິເວສໍ ຠຍໂຕ ສມ຺ປສ຺ສມາໂນ ສຸຎ຺ຎເຕ ອຘິມຸຕ຺ຕຕ຺ຕາ ປວຕ຺ຕໍ ອຊ຺ຌຸເປກ຺ຂິຕ຺ວາ ນິໂຣຘໍ ນິພ຺ພານໍ ສຸຎ຺ຎຕໍ ອາວຊ຺ຊິຕ຺ວາ ສມາປຊ຺ຊຕິ – ສຸຎ຺ຎຕາ ສມາປຕ຺ຕິ.

ຊຣາມຣຓນິມິຕ຺ຕໍ ຠຍໂຕ ສມ຺ປສ຺ສມາໂນ ອນິມິຕ຺ເຕ ອຘິມຸຕ຺ຕຕ຺ຕາ ຜຸສ຺ສ ຜຸສ຺ສ ວຍໍ ປສ຺ສຕິ, ປວຕ຺ຕໍ ອຊ຺ຌຸເປກ຺ຂິຕ຺ວາ ນິໂຣຘໍ ນິພ຺ພານໍ ອນິມິຕ຺ຕໍ ອາວຊ຺ຊິຕ຺ວາ ສມາປຊ຺ຊຕິ – ອນິມິຕ຺ຕວິຫາຣສມາປຕ຺ຕິ. ຊຣາມຣຓປຓິຘິໍ ຠຍໂຕ ສມ຺ປສ຺ສມາໂນ ອປ຺ປຓິຫິເຕ ອຘິມຸຕ຺ຕຕ຺ຕາ ຜຸສ຺ສ ຜຸສ຺ສ ວຍໍ ປສ຺ສຕິ, ປວຕ຺ຕໍ ອຊ຺ຌຸເປກ຺ຂິຕ຺ວາ ນິໂຣຘໍ ນິພ຺ພານໍ ອປ຺ປຓິຫິຕໍ ອາວຊ຺ຊິຕ຺ວາ ສມາປຊ຺ຊຕິ – ອປ຺ປຓິຫິຕວິຫາຣສມາປຕ຺ຕິ. ຊຣາມຣຓາຠິນິເວສໍ ຠຍໂຕ ສມ຺ປສ຺ສມາໂນ ສຸຎ຺ຎເຕ ອຘິມຸຕ຺ຕຕ຺ຕາ ຜຸສ຺ສ ຜຸສ຺ສ ວຍໍ ປສ຺ສຕິ, ປວຕ຺ຕໍ ອຊ຺ຌຸເປກ຺ຂິຕ຺ວາ ນິໂຣຘໍ ນິພ຺ພານໍ ສຸຎ຺ຎຕໍ ອາວຊ຺ຊິຕ຺ວາ ສມາປຊ຺ຊຕິ – ສຸຎ຺ຎຕວິຫາຣສມາປຕ຺ຕິ. ອຎ຺ໂຎ ອນິມິຕ຺ໂຕ ວິຫາໂຣ, ອຎ຺ໂຎ ອປ຺ປຓິຫິໂຕ ວິຫາໂຣ, ອຎ຺ໂຎ ສຸຎ຺ຎໂຕ ວິຫາໂຣ. ອຎ຺ຎາ ອນິມິຕ຺ຕສມາປຕ຺ຕິ, ອຎ຺ຎາ ອປ຺ປຓິຫິຕສມາປຕ຺ຕິ, ອຎ຺ຎາ ສຸຎ຺ຎຕສມາປຕ຺ຕິ. ອຎ຺ຎາ ອນິມິຕ຺ຕາ ວິຫາຣສມາປຕ຺ຕິ, ອຎ຺ຎາ ອປ຺ປຓິຫິຕາ ວິຫາຣສມາປຕ຺ຕິ, ອຎ຺ຎາ ສຸຎ຺ຎຕາ ວິຫາຣສມາປຕ຺ຕິ. ຕໍ ຎາຕຏ຺ເຐນ ຎາຓໍ, ປຊານນຏ຺ເຐນ ປຎ຺ຎາ. ເຕນ ວຸຈ຺ຈຕິ – ‘‘ວິຫາຣນານຕ຺ເຕ ປຎ຺ຎາ ວິຫາຣຏ຺ເຐ ຎາຓໍ, ສມາປຕ຺ຕິນານຕ຺ເຕ ປຎ຺ຎາ ສມາປຕ຺ຕຏ຺ເຐ ຎາຓໍ, ວິຫາຣສມາປຕ຺ຕິນານຕ຺ເຕ ປຎ຺ຎາ ວິຫາຣສມາປຕ຺ຕຏ຺ເຐ ຎາຓໍ’’.

ຎາຓຕ຺ຕຍນິທ຺ເທໂສ ເອກຕິໍສຕິໂມ.