໓໙໕. ປາຣາວຕຊາຕກໍ (໖-໒-໑໐)

໑໓໔. ຈິຣສ຺ສໍ ວຕ ປສ຺ສາມິ, ສຫາຍໍ ມຓິຘາຣິນໍ;

ສຸກຕາ [ສຸກຕາຍ (ສີ. ປີ.)] ມສ຺ສຸກຸຕ຺ຕິຍາ, ໂສຠເຕ ວຕ ເມ ສຂາ.

໑໓໕. ປຣູຬ຺ຫກຈ຺ຉນຂໂລໂມ, ອຫໍ ກມ຺ເມສຸ ພ຺ຍາວໂຏ;

ຈິຣສ຺ສໍ ນ຺ຫາປິຕໍ ລທ຺ຘາ, ໂລມໍ ຕໍ ອຊ຺ຊໍ ຫາຣຍິໍ [ອປຫາຣຍິໍ (ສີ. ປີ.)].

໑໓໖. ຍໍ ນຸ ໂລມໍ ອຫາເຣສິ, ທຸລ຺ລຠໍ ລທ຺ຘ ກປ຺ປກໍ;

ອຖ ກິຎ຺ຈຣຫິ ເຕ ສມ຺ມ, ກຓ຺ເຐ ກິຓິກິຓາຍຕິ [ອິທໍ ກຓ຺ເຐ ກິຓາຍຕິ (ກ.), ກຓ຺ເຐ ກິໍນິກິລາຍຕິ (ສ຺ຍາ.)].

໑໓໗. ມນຸສ຺ສສຸຂຸມາລານໍ, ມຓິ ກຓ຺ເຐສຸ ລມ຺ພຕິ;

ເຕສາຫໍ ອນຸສິກ຺ຂາມິ, ມາ ຕ຺ວໍ ມຎ຺ຎິ ທວາ ກຕໍ.

໑໓໘. ສເຈປິມໍ ປິຫຍສິ, ມສ຺ສຸກຸຕ຺ຕິໍ ສຸກາຣິຕໍ;

ກາຣຍິສ຺ສາມິ ເຕ ສມ຺ມ, ມຓິຎ຺ຈາປິ ທທາມິ ເຕ.

໑໓໙. ຕ຺ວຎ຺ເຎວ ມຓິນາ ຉນ຺ໂນ, ສຸກຕາຍ ຈ ມສ຺ສຸຍາ;

ອາມນ຺ຕ ໂຂ ຕໍ ຄຈ຺ຉາມິ, ປິຍໍ ເມ ຕວ ທສ຺ສນນ຺ຕິ.

ປາຣາວຕຊາຕກໍ [ກາກຊາຕກໍ (ສີ. ປີ.), ມຓິຊາຕກໍ (ສ຺ຍາ.)] ທສມໍ.

ຂຣປຸຕ຺ຕວຄ຺ໂຄ [ເສນກວຄ຺ໂຄ (ສີ. ປີ.), ຂຸຣປຸຕ຺ຕວຄ຺ໂຄ (ສ຺ຍາ.), ສູຈິວຄ຺ໂຄ (ກ.)] ທຸຕິໂຍ.

ຕສ຺ສຸທ຺ທານໍ –

ອຖ ປສ຺ສ ສສູຈິ ຈ ຕຸຓ຺ຑິລໂກ, ມິຄ ມຍ຺ຫກປຎ຺ຈມປກ຺ຂິວໂຣ;

ອຖ ປຎ຺ຊລິ ວາຣິຊ ເມຊ຺ຌ ປຸນ, ອຖ ວຏ຺ຏ ກໂປຕວເຣນ ທສາຕິ.

ອຖ ວຄ຺ຄຸທ຺ທານໍ –

ອຖ ວຄ຺ຄໍ ປກິຕ຺ຕິສ຺ສໍ, ຉນິປາຕໍ ວຣຸຕ຺ຕເມ;

ອວາຣິຍາ ຈ ຂໂຣ ຈ [ເສນກ (ສີ.), ສູຈິ ຈ (ສ຺ຍາ. ກ.)], ທ຺ເວ ຈ ວຸຕ຺ຕາ ສຸພ຺ຍຎ຺ຊນາຕິ.

ຉກ຺ກນິປາຕໍ ນິຏ຺ຐິຕໍ.