໑໔. ປກິຓ຺ຓກນິປາໂຕ

໔໘໔. ສາລິເກທາຣຊາຕກໍ (໑)

໑. ສມ຺ປນ຺ນໍ ສາລິເກທາຣໍ, ສຸວາ ຠຸຎ຺ຊນ຺ຕິ ໂກສິຍ;

ປຏິເວເທມິ ເຕ ພ຺ຣຫ຺ເມ, ນ ເນ [ເຕ (ສີ. ສ຺ຍາ.), ນໍ (ສີ. ສ຺ຍາ. ປີ. ອຏ຺ຐ.), ຕໍ (ກ. ອຏ຺ຐ.)] ວາເຣຕຸມຸສ຺ສເຫ.

໒. ເອໂກ ຈ ຕຕ຺ຖ ສກຸໂຓ, ໂຍ ເນສໍ [ເຕສໍ (ສີ. ອຏ຺ຐ.)] ສພ຺ພສຸນ຺ທໂຣ;

ຠຸຕ຺ວາ ສາລິໍ ຍຖາກາມໍ, ຕຸຓ຺ເຑນາທາຍ ຄຈ຺ຉຕິ.

໓. ໂອຑ຺ເຑນ຺ຕຸ [ອຸຊ຺ຌຸນ຺ຕຸ (ສ຺ຍາ. ກ.) ອງ຺ຄຸຕ຺ຕຣນິກາເຍ ປສ຺ສິຕພ຺ພໍ] ວາຬປາສານິ, ຍຖາ ວຊ຺ເຌຖ ໂສ ທິໂຊ;

ຊີວຎ຺ຈ ນໍ ຄເຫຕ຺ວານ, ອານເຍຫິ [ອານເຍຖ (ສີ. ປີ.)] ມມນ຺ຕິເກ.

໔. ເອເຕ ຠຸຕ຺ວາ ປິວິຕ຺ວາ ຈ [ຠຸຕ຺ວາ ຈ ປິຕ຺ວາ ຈ (ປີ.)], ປກ຺ກມນ຺ຕິ ວິຫງ຺ຄມາ;

ເອໂກ ພທ຺ໂຘສ຺ມິ ປາເສນ, ກິໍ ປາປໍ ປກຕໍ ມຍາ.

໕. ອຸທຣໍ ນູນ ອຎ຺ເຎສໍ, ສຸວ ອຈ຺ໂຈທຣໍ ຕວ;

ຠຸຕ຺ວາ ສາລິໍ ຍຖາກາມໍ, ຕຸຓ຺ເຑນາທາຍ ຄຈ຺ຉສິ.

໖. ໂກຏ຺ຐໍ ນຸ ຕຕ຺ຖ ປູເຣສິ, ສຸວ ເວຣໍ ນຸ ເຕ ມຍາ;

ປຸຏ຺ໂຐ ເມ ສມ຺ມ ອກ຺ຂາຫິ, ກຸຫິໍ ສາລິໍ ນິທາຫສິ [ນິຘີຍສິ (ປີ.)].

໗. ນ ເມ ເວຣໍ ຕຍາ ສທ຺ຘິໍ, ໂກຏ຺ໂຐ ມຍ຺ຫໍ ນ ວິຊ຺ຊຕິ;

ອິຓໍ ມຸຎ຺ຈາມິຓໍ ທມ຺ມິ, ສມ຺ປຕ຺ໂຕ ໂກຏສິມ຺ພລິໍ;

ນິຘິມ຺ປິ ຕຕ຺ຖ ນິທຫາມິ, ເອວໍ ຊານາຫິ ໂກສິຍ.

໘. ກີທິສໍ ເຕ ອິຓທານໍ, ອິຓໂມກ຺ໂຂ ຈ ກີທິໂສ;

ນິຘິນິຘານມກ຺ຂາຫິ, ອຖ ປາສາ ປໂມກ຺ຂສິ.

໙. ອຊາຕປກ຺ຂາ ຕຣຸຓາ, ປຸຕ຺ຕກາ ມຍ຺ຫ ໂກສິຍ;

ເຕ ມໍ ຠຕາ ຠຣິສ຺ສນ຺ຕິ, ຕສ຺ມາ ເຕສໍ ອິຓໍ ທເທ.

໑໐. ມາຕາ ປິຕາ ຈ ເມ ວຸທ຺ຘາ, ຊິຓ຺ຓກາ ຄຕໂຍພ຺ພນາ;

ເຕສໍ ຕຸຓ຺ເຑນ ຫາຕູນ, ມຸຎ຺ເຈ ປຸພ຺ພກຕໍ [ປຸພ຺ເພ ກຕໍ (ສີ.)] ອິຓໍ.

໑໑. ອຎ຺ເຎປິ ຕຕ຺ຖ ສກຸຓາ, ຂີຓປກ຺ຂາ ສຸທຸພ຺ພລາ;

ເຕສໍ ປຸຎ຺ຎຕ຺ຖິໂກ ທມ຺ມິ, ຕໍ ນິຘິໍ ອາຫຸ ປຓ຺ຑິຕາ.

໑໒. ອີທິສໍ [ເອທິສໍ (ສີ. ປີ.)] ເມ ອິຓທານໍ, ອິຓໂມກ຺ໂຂ ຈ ອີທິໂສ;

ນິຘິນິຘານມກ຺ຂາມິ [ນິຘິໍ ນິຘານໍ ອກ຺ຂາຕໍ (ສີ. ປີ.)], ເອວໍ ຊານາຫິ ໂກສິຍ.

໑໓. ຠທ຺ທໂກ ວຕຍໍ ປກ຺ຂີ, ທິໂຊ ປຣມຘມ຺ມິໂກ;

ເອກຈ຺ເຈສຸ ມນຸສ຺ເສສຸ, ອຍໍ ຘມ຺ໂມ ນ ວິຊ຺ຊຕິ.

໑໔. ຠຸຎ຺ຊ ສາລິໍ ຍຖາກາມໍ, ສຫ ສພ຺ເພຫິ ຎາຕິຠິ;

ປຸນາປິ ສຸວ ປສ຺ເສມຸ, ປິຍໍ ເມ ຕວ ທສ຺ສນໍ.

໑໕. ຠຸຕ຺ຕຎ຺ຈ ປີຕຎ຺ຈ ຕວສ຺ສມມ຺ຫິ [ຕວສ຺ສພ຺ຍມ຺ຫິ (ກ.)], ຣຕ຺ຕິຎ຺ຈ [ຣຕີ ຈ (ສີ. ປີ.)] ໂນ ໂກສິຍ ເຕ ສກາເສ;

ນິກ຺ຂິຕ຺ຕທຓ຺ເຑສຸ ທທາຫິ ທານໍ, ຊິຓ຺ເຓ ຈ ມາຕາປິຕໂຣ ຠຣສ຺ສຸ.

໑໖. ລກ຺ຂີ ວຕ ເມ ອຸທປາທິ ອຊ຺ຊ, ໂຍ ອທ຺ທສາສິໍ ປວຣໍ [ໂຍຫໍ ອທສ຺ສໍ ປຣມໍ (ສ຺ຍາ. ກ.)] ທິຊານໍ;

ສຸວສ຺ສ ສຸຕ຺ວານ ສຸຠາສິຕານິ, ກາຫາມິ ປຸຎ຺ຎານິ ອນປ຺ປການິ.

໑໗. ໂສ ໂກສິໂຍ ອຕ຺ຕມໂນ ອຸທຄ຺ໂຄ, ອນ຺ນຎ຺ຈ ປານຎ຺ຈຠິສງ຺ຂຣິຕ຺ວາ [ອນ຺ນຎ຺ຈ ປານໍ ອຠິສໍຫຣິຕ຺ວາ (ກ.)];

ອນ຺ເນນ ປາເນນ ປສນ຺ນຈິຕ຺ໂຕ, ສນ຺ຕປ຺ປຍິ ສມຓພ຺ຣາຫ຺ມເຓ ຈາຕິ.

ສາລິເກທາຣຊາຕກໍ [ເກທາຣຊາຕກໍ (ກ.)] ປຐມໍ.

໔໘໕. ຈນ຺ທກິນ຺ນຣີຊາຕກໍ (໒)

໑໘. ອຸປນີຍຕິທໍ ມຎ຺ເຎ, ຈນ຺ເທ [ໂລຫິຕມເທນ ມຊ຺ຊາມິ; ວິຊຫາມິ ຊີວິຕໍ ປາຓາ, (ສີ. ປີ. ອຏ຺ຐ.)] ໂລຫິຕມທ຺ທເນ;

ອຊ຺ຊ ຊຫາມິ ຊີວິຕໍ, ປາຓາ [ໂລຫິຕມເທນ ມຊ຺ຊາມິ; ວິຊຫາມິ ຊີວິຕໍ ປາຓາ, (ສີ. ປີ. ອຏ຺ຐ.)] ເມ ຈນ຺ເທ ນິຣຸຊ຺ຌນ຺ຕິ.

໑໙. ໂອສີທິ [ໂອສຘິ (ສີ. ສ຺ຍາ. ປີ.), ໂອສຏ຺ຐິ (ກ.), ໂອສຕິ (ອຠິນວຏີກາ), ໂອສີທຕິ (?)] ເມ ທຸກ຺ຂໍ [ທຸກ຺ຂໍ ເມ (ສີ. ປີ.)] ຫທຍໍ, ເມ ຑຍ຺ຫເຕ ນິຕມ຺ມາມິ;

ຕວ ຈນ຺ທິຍາ ໂສຈນ຺ຕິຍາ, ນ ນໍ ອຎ຺ເຎຫິ ໂສເກຫິ.

໒໐. ຕິຓມິວ ວນມິວ ມິລາຍາມິ [ມິລຍາມິ (ສີ.), ມິຍ຺ຍາມິ (ສີ. ປີ. ອຏ຺ຐ.)], ນທີ ອປຣິປຸຓ຺ຓາວ [ອປຣິປຸຓ຺ຓິຍາວ (ສີ. ປີ.)] ສຸສ຺ສາມິ;

ຕວ ຈນ຺ທິຍາ ໂສຈນ຺ຕິຍາ, ນ ນໍ ອຎ຺ເຎຫິ ໂສເກຫິ.

໒໑. ວສ຺ສມິວ ສເຣ ປາເທ [ວສ຺ສໍວ ສເຣ ປາເທ (ສີ.), ວສ຺ສໍວ ສເຣ ປພ຺ພຕປາເທ (ປີ.)], ອິມານິ ອສ຺ສູນິ ວຕ຺ຕເຣ ມຍ຺ຫໍ;

ຕວ ຈນ຺ທິຍາ ໂສຈນ຺ຕິຍາ, ນ ນໍ ອຎ຺ເຎຫິ ໂສເກຫິ.

໒໒. ປາໂປ ໂຂສິ [ປາໂປສິ ໂຂ (ສີ.), ປາໂປ ໂຂ (ສ຺ຍາ. ປີ.)] ຣາຊປຸຕ຺ຕ, ໂຍ ເມ ອິຈ຺ຉິຕໍ [ອິຈ຺ຉິຕ (ສີ. ສ຺ຍາ. ປີ.)] ປຕິໍ ວຣາກິຍາ;

ວິຊ຺ຌສິ ວນມູລສ຺ມິໍ, ໂສຍໍ ວິທ຺ໂຘ ຉມາ ເສຕິ.

໒໓. ອິມໍ ມຍ຺ຫໍ ຫທຍໂສກໍ, ປຏິມຸຎ຺ຈຕຸ ຣາຊປຸຕ຺ຕ ຕວ ມາຕາ;

ໂຍ ມຍ຺ຫໍ ຫທຍໂສໂກ, ກິມ຺ປຸຣິສໍ ອເວກ຺ຂມານາຍ.

໒໔. ອິມໍ ມຍ຺ຫໍ ຫທຍໂສກໍ, ປຏິມຸຎ຺ຈຕຸ ຣາຊປຸຕ຺ຕ ຕວ ຊາຍາ;

ໂຍ ມຍ຺ຫໍ ຫທຍໂສໂກ, ກິມ຺ປຸຣິສໍ ອເວກ຺ຂມານາຍ.

໒໕. ມາ ຈ ປຸຕ຺ຕໍ [ປຸຕ຺ເຕ (ສີ. ປີ.)] ມາ ຈ ປຕິໍ, ອທ຺ທກ຺ຂິ ຣາຊປຸຕ຺ຕ ຕວ ມາຕາ;

ໂຍ ກິມ຺ປຸຣິສໍ ອວຘິ, ອທູສກໍ ມຍ຺ຫ ກາມາ ຫິ [ມຍ຺ຫໍ ກາມາ (ກ.)].

໒໖. ມາ ຈ ປຸຕ຺ຕໍ ມາ ຈ ປຕິໍ, ອທ຺ທກ຺ຂິ ຣາຊປຸຕ຺ຕ ຕວ ຊາຍາ;

ໂຍ ກິມ຺ປຸຣິສໍ ອວຘິ, ອທູສກໍ ມຍ຺ຫ ກາມາ ຫິ.

໒໗. ມາ ຕ຺ວໍ ຈນ຺ເທ ໂຣທິ, ມາ ໂສຈິ ວນຕິມິຣມຕ຺ຕກ຺ຂິ;

ມມ ຕ຺ວໍ ເຫຫິສິ ຠຣິຍາ, ຣາຊກຸເລ ປູຊິຕາ ນາຣີຠິ [ນາຣີ (ສີ. ປີ.)].

໒໘. ອປິ ນູນຫໍ ມຣິສ຺ສໍ, ນາຫໍ [ນ ຈ ປນາຫໍ (ສີ. ປີ.)] ຣາຊປຸຕ຺ຕ ຕວ ເຫສ຺ສໍ;

ໂຍ ກິມ຺ປຸຣິສໍ ອວຘິ, ອທູສກໍ ມຍ຺ຫ ກາມາ ຫິ.

໒໙. ອປິ ຠີຣຸເກ ອປິ ຊີວິຕຸກາມິເກ, ກິມ຺ປຸຣິສິ ຄຈ຺ຉ ຫິມວນ຺ຕໍ;

ຕາລີສຕຄຣໂຠຊນາ, ອຎ຺ເຎ [ຕາລິສ຺ສຕຄຣໂຠຊເນ, ອຣຎ຺ເຎ (ສີ. ປີ.)] ຕໍ ມິຄາ ຣມິສ຺ສນ຺ຕິ.

໓໐. ເຕ ປພ຺ພຕາ ຕາ ຈ ກນ຺ທຣາ, [ຕາ ຈ ຄິຣິຄຸຫາໂຍ (ສີ. ສ຺ຍາ. ປີ.)] ຕາ ຈ ຄິຣິຄຸຫາໂຍ ຕເຖວ ຕິຏ຺ຐນ຺ຕິ [ຕາ ຈ ຄິຣິຄຸຫາໂຍ (ສີ. ສ຺ຍາ. ປີ.)];

ຕຕ຺ເຖວ [ຕຕ຺ຖ (ສີ. ສ຺ຍາ. ປີ.)] ຕໍ ອປສ຺ສນ຺ຕີ, ກິມ຺ປຸຣິສ ກຖໍ ອຫໍ ກສ຺ສໍ.

໓໑. ເຕ ປຓ຺ຓສນ຺ຖຕາ ຣມຓີຍາ, ວາຬມິເຄຫິ ອນຸຈິຓ຺ຓາ;

ຕຕ຺ເຖວ ຕໍ ອປສ຺ສນ຺ຕີ, ກິມ຺ປຸຣິສ ກຖໍ ອຫໍ ກສ຺ສໍ [ກາສໍ (ສີ. ສ຺ຍາ. ປີ.)].

໓໒. ເຕ ປຸປ຺ຜສນ຺ຖຕາ ຣມຓີຍາ, ວາຬມິເຄຫິ ອນຸຈິຓ຺ຓາ;