໕. ໂສຓປຓ຺ຑິຕຈຣິຍາ

໔໒. ‘‘ປຸນາປຣໍ ຍທາ ໂຫມິ, ນຄເຣ ພ຺ຣຫ຺ມວຑ຺ຒເນ;

ຕຕ຺ຖ ກຸລວເຣ ເສຏ຺ເຐ, ມຫາສາເລ ອຊາຍຫໍ.

໔໓. ‘‘ຕທາປິ ໂລກໍ ທິສ຺ວານ, ອນ຺ຘີຠູຕໍ ຕໂມຕ຺ຖຏໍ;

ຈິຕ຺ຕໍ ຠວໂຕ ປຕິກຸຏຕິ, ຕຸຕ຺ຕເວຄຫຕໍ ວິຍ.

໔໔. ‘‘ທິສ຺ວານ ວິວິຘໍ ປາປໍ, ເອວໍ ຈິນ຺ເຕສຫໍ ຕທາ;

‘ກທາຫໍ ເຄຫາ ນິກ຺ຂມ຺ມ, ປວິສິສ຺ສາມິ ການນໍ’.

໔໕. ‘‘ຕທາປິ ມໍ ນິມນ຺ເຕສຸໍ, ກາມໂຠເຄຫິ ຎາຕໂຍ;

ເຕສມ຺ປິ ຉນ຺ທມາຈິກ຺ຂິໍ, ‘ມາ ນິມນ຺ເຕຖ ເຕຫິ ມໍ’.

໔໖. ‘‘ໂຍ ເມ ກນິຏ຺ຐໂກ ຠາຕາ, ນນ຺ໂທ ນາມາສິ ປຓ຺ຑິໂຕ;

ໂສປິ ມໍ ອນຸສິກ຺ຂນ຺ໂຕ, ປພ຺ພຊ຺ຊໍ ສມໂຣຈຍິ.

໔໗. ‘‘ອຫໍ ໂສໂຓ ຈ ນນ຺ໂທ ຈ, ອຸໂຠ ມາຕາປິຕາ ມມ;

ຕທາປິ ໂຠເຄ ຉຑ຺ເຑຕ຺ວາ, ປາວິສິມ຺ຫາ ມຫາວນ’’ນ຺ຕິ.

ໂສຓປຓ຺ຑິຕຈຣິຍໍ ປຎ຺ຈມໍ.