໖. ທຓ຺ຑທາຍກຕ຺ເຖຣອປທານໍ

໓໖. ‘‘ການນໍ ວນໂມຄຍ຺ຫ, ເວຬຸໍ ເຉຕ຺ວານຫໍ ຕທາ;

ອາລມ຺ພຓໍ ກຣິຕ຺ວານ, ສງ຺ຆສ຺ສ ອທທິໍ ພຫຸໍ [ອຫໍ (ສີ. ສ຺ຍາ. ປີ.)].

໓໗. ‘‘ເຕນ ຈິຕ຺ຕປ຺ປສາເທນ, ສຸພ຺ພເຕ ອຠິວາທິຍ;

ອາລມ຺ພທຓ຺ຑໍ ທຕ຺ວານ, ປກ຺ກາມິໍ ອຸຕ຺ຕຣາມຸໂຂ.

໓໘. ‘‘ຈຕຸນ຺ນວຸຕິໂຕ ກປ຺ເປ, ຍໍ ທຓ຺ຑມທທິໍ ຕທາ;

ທຸຄ຺ຄຕິໍ ນາຠິຊານາມິ, ທຓ຺ຑທານສ຺ສິທໍ ຜລໍ.

໓໙. ‘‘ກິເລສາ ຌາປິຕາ ມຍ຺ຫໍ…ເປ… ວິຫຣາມິ ອນາສໂວ.

໔໐. ‘‘ສ຺ວາຄຕໍ ວຕ ເມ ອາສິ…ເປ… ກຕໍ ພຸທ຺ຘສ຺ສ ສາສນໍ.

໔໑. ‘‘ປຏິສມ຺ຠິທາ ຈຕສ຺ໂສ…ເປ… ກຕໍ ພຸທ຺ຘສ຺ສ ສາສນໍ’’.

ອິຕ຺ຖໍ ສຸທໍ ອາຍສ຺ມາ ທຓ຺ຑທາຍໂກ ເຖໂຣ ອິມາ ຄາຖາໂຍ

ອຠາສິຕ຺ຖາຕິ.

ທຓ຺ຑທາຍກຕ຺ເຖຣສ຺ສາປທານໍ ຉຏ຺ຐໍ.

ເຕວີສຕິມໍ ຠາຓວາຣໍ.