໖. ວລ຺ລິຜລທາຍກຕ຺ເຖຣອປທານໍ

໓໑. ‘‘ສພ຺ເພ ຊນາ ສມາຄມ຺ມ, ອຄມິໍສຸ ວນໍ ຕທາ;

ຜລມນ຺ເວສມານາ ເຕ, ອລຠິໍສຸ ຜລໍ ຕທາ.

໓໒. ‘‘ຕຕ຺ຖທ຺ທສາສິໍ ສມ຺ພຸທ຺ຘໍ, ສຍມ຺ຠຸໍ ອປຣາຊິຕໍ;

ປສນ຺ນຈິຕ຺ໂຕ ສຸມໂນ, ວລ຺ລິຜລມທາສຫໍ.

໓໓. ‘‘ເອກຕ຺ຕິໍເສ ອິໂຕ ກປ຺ເປ, ຍໍ ຜລມທທິໍ ຕທາ;

ທຸຄ຺ຄຕິໍ ນາຠິຊານາມິ, ຜລທານສ຺ສິທໍ ຜລໍ.

໓໔. ‘‘ກິເລສາ ຌາປິຕາ ມຍ຺ຫໍ…ເປ… ວິຫຣາມິ ອນາສໂວ.

໓໕. ‘‘ສ຺ວາຄຕໍ ວຕ ເມ ອາສິ…ເປ… ກຕໍ ພຸທ຺ຘສ຺ສ ສາສນໍ.

໓໖. ‘‘ປຏິສມ຺ຠິທາ ຈຕສ຺ໂສ…ເປ… ກຕໍ ພຸທ຺ຘສ຺ສ ສາສນໍ’’.

ອິຕ຺ຖໍ ສຸທໍ ອາຍສ຺ມາ ວລ຺ລິຜລທາຍໂກ ເຖໂຣ ອິມາ ຄາຖາໂຍ ອຠາສິຕ຺ຖາຕິ.

ວລ຺ລິຜລທາຍກຕ຺ເຖຣສ຺ສາປທານໍ ຉຏ຺ຐໍ.