໑໐. ສຬລປຸປ຺ຜິຍຕ຺ເຖຣອປທານໍ

໓໕. ‘‘ຈນ຺ທຠາຄານທີຕີເຣ, ອໂຫສິໍ ກິນ຺ນໂຣ ຕທາ;

ຕຕ຺ຖທ຺ທສໍ ເທວເທວໍ, ຈງ຺ກມນ຺ຕໍ ນຣາສຠໍ.

໓໖. ‘‘ໂອຈິນິຕ຺ວານ ສຬລໍ, ປຸປ຺ຜໍ ພຸທ຺ຘສ຺ສທາສຫໍ;

ອຸປສິງ຺ຆິ ມຫາວີໂຣ, ສຬລໍ ເທວຄນ຺ຘິກໍ.

໓໗. ‘‘ປຏິຄ຺ຄເຫຕ຺ວາ ສມ຺ພຸທ຺ໂຘ, ວິປສ຺ສີ ໂລກນາຍໂກ;

ອຸປສິງ຺ຆິ ມຫາວີໂຣ, ເປກ຺ຂມານສ຺ສ ເມ ສໂຕ.

໓໘. ‘‘ປສນ຺ນຈິຕ຺ໂຕ ສຸມໂນ, ວນ຺ທິຕ຺ວາ ທ຺ວິປທຸຕ຺ຕມໍ;

ອຎ຺ຊລິໍ ປຄ຺ຄເຫຕ຺ວານ, ປຸນ ປພ຺ພຕມາຣຸຫິໍ.

໓໙. ‘‘ເອກນວຸຕິໂຕ ກປ຺ເປ, ຍໍ ປຸປ຺ຜມຠິປູຊຍິໍ;

ທຸຄ຺ຄຕິໍ ນາຠິຊານາມິ, ພຸທ຺ຘປູຊາຍິທໍ ຜລໍ.

໔໐. ‘‘ປຏິສມ຺ຠິທາ ຈຕສ຺ໂສ…ເປ… ກຕໍ ພຸທ຺ຘສ຺ສ ສາສນໍ’’.

ອິຕ຺ຖໍ ສຸທໍ ອາຍສ຺ມາ ສຬລປຸປ຺ຜິໂຍ ເຖໂຣ ອິມາ ຄາຖາໂຍ ອຠາສິຕ຺ຖາຕິ.

ສຬລປຸປ຺ຜິຍຕ຺ເຖຣສ຺ສາປທານໍ ທສມໍ.

ມນ຺ທາຣວປຸປ຺ຜິຍວຄ຺ໂຄ ສຕ຺ຕຕິໍສຕິໂມ.