໓. ຘຊທາຍກຕ຺ເຖຣອປທານໍ

໒໐. ‘‘ຕິສ຺ໂສ ນາມ ອຫຸ ສຕ຺ຖາ, ໂລກເຊຏ຺ໂຐ ນຣາສໂຠ;

ຕໂຍປຘິກ຺ຂເຍ [ຕສ຺ໂສປຘິກ຺ຂເຍ (ສີ.)] ທິສ຺ວາ, ຘຊໍ ອາໂຣປິຕໍ ມຍາ.

໒໑. ‘‘ເຕນ ກມ຺ເມນ ສຸກເຕນ, ເຈຕນາປຓິຘີຫິ ຈ;

ຊຫິຕ຺ວາ ມານຸສໍ ເທຫໍ, ຕາວຕິໍສມຄຈ຺ຉຫໍ.

໒໒. ‘‘ສຕານໍ ຕີຓິກ຺ຂຕ຺ຕຸຎ຺ຈ, ເທວຣຊ຺ຊໍ ອກາຣຍິໍ;

ສຕານໍ ປຎ຺ຈກ຺ຂຕ຺ຕຸຎ຺ຈ, ຈກ຺ກວຕ຺ຕີ ອໂຫສຫໍ.

໒໓. ‘‘ປເທສຣຊ຺ຊໍ ວິປຸລໍ, ຄຓນາໂຕ ອສງ຺ຂິຍໍ;

ອນຸໂຠມິ ສກໍ ກມ຺ມໍ, ປຸພ຺ເພ ສຸກຕມຕ຺ຕໂນ.

໒໔. ‘‘ທ຺ເວນວຸເຕ ອິໂຕ ກປ຺ເປ, ຍໍ ກມ຺ມມກຣິໍ ຕທາ;

ທຸຄ຺ຄຕິໍ ນາຠິຊານາມິ, ຘຊທານສ຺ສິທໍ ຜລໍ.

໒໕. ‘‘ອິຈ຺ຉມາໂນ ຈຫໍ ອຊ຺ຊ, ສການນໍ ສປພ຺ພຕໍ;

ໂຂມທຸສ຺ເສນ ຉາເທຍ຺ຍໍ, ຕທາ ມຍ຺ຫໍ ກເຕ ຜລໍ.

໒໖. ‘‘ປຏິສມ຺ຠິທາ ຈຕສ຺ໂສ…ເປ… ກຕໍ ພຸທ຺ຘສ຺ສ ສາສນໍ’’.

ອິຕ຺ຖໍ ສຸທໍ ອາຍສ຺ມາ ຘຊທາຍໂກ ເຖໂຣ ອິມາ ຄາຖາໂຍ ອຠາສິຕ຺ຖາຕິ.

ຘຊທາຍກຕ຺ເຖຣສ຺ສາປທານໍ ຕຕິຍໍ.