໕. ນິມິຕ຺ຕສຎ຺ຎກຕ຺ເຖຣອປທານໍ

໒໘. ‘‘ຈນ຺ທຠາຄານທີຕີເຣ, ວສາມິ ອສ຺ສເມ ອຫໍ;

ສຸວຓ຺ຓມິຄມທ຺ທກ຺ຂິໍ, ຈຣນ຺ຕໍ ວິປິເນ ອຫໍ.

໒໙. ‘‘ມິເຄ ຈິຕ຺ຕໍ ປສາເທຕ຺ວາ, ໂລກເຊຏ຺ຐໍ ອນຸສ຺ສຣິໍ;

ເຕນ ຈິຕ຺ຕປ຺ປສາເທນ, ອຎ຺ເຎ ພຸທ຺ເຘ ອນຸສ຺ສຣິໍ.

໓໐. ‘‘ອພ຺ຠຕີຕາ ຈ ເຍ ພຸທ຺ຘາ, ວຕ຺ຕມານາ ອນາຄຕາ;

ເອວເມວໍ ວິໂຣຈນ຺ຕິ, ມິຄຣາຊາວ ເຕ ຕໂຍ.

໓໑. ‘‘ຈຕຸນ຺ນວຸຕິໂຕ ກປ຺ເປ, ຍໍ ສຎ຺ຎມລຠິໍ ຕທາ;

ທຸຄ຺ຄຕິໍ ນາຠິຊານາມິ, ພຸທ຺ຘສຎ຺ຎາຍິທໍ ຜລໍ.

໓໒. ‘‘ສຕ຺ຕວີເສ ອິໂຕ ກປ຺ເປ, ເອໂກ ອາສິໍ ມຫີປຕິ;

ອຣຎ຺ຎສຕ຺ໂຖ ນາເມນ, ຈກ຺ກວຕ຺ຕີ ມຫພ຺ພໂລ.

໓໓. ‘‘ປຏິສມ຺ຠິທາ ຈຕສ຺ໂສ…ເປ… ກຕໍ ພຸທ຺ຘສ຺ສ ສາສນໍ’’.

ອິຕ຺ຖໍ ສຸທໍ ອາຍສ຺ມາ ນິມິຕ຺ຕສຎ຺ຎໂກ ເຖໂຣ ອິມາ ຄາຖາໂຍ ອຠາສິຕ຺ຖາຕິ.

ນິມິຕ຺ຕສຎ຺ຎກຕ຺ເຖຣສ຺ສາປທານໍ ປຎ຺ຈມໍ.