໒. ຜລທາຍກຕ຺ເຖຣອປທານໍ

໕. ‘‘ສິເນຣຸສມສນ຺ໂຕໂສ, ຘຣຓີສມ [ຘຣຓີຘຣ (ສີ. ສ຺ຍາ.)] ສາທິໂສ;

ວຸຏ຺ຐຫິຕ຺ວາ ສມາຘິມ຺ຫາ, ຠິກ຺ຂາຍ ມມຸປຏ຺ຐິໂຕ.

໖. ‘‘ຫຣີຕກໍ [ຫຣີຕກິໍ (ສ຺ຍາ.)] ອາມລກໍ, ອມ຺ພຊມ຺ພຸວິຠີຕກໍ;

ໂກລໍ ຠລ຺ລາຕກໍ ພິລ຺ລໍ, ຜາຣຸສກຜລານິ ຈ.

໗. ‘‘ສິທ຺ຘຕ຺ຖສ຺ສ ມເຫສິສ຺ສ, ສພ຺ພໂລການຸກມ຺ປິໂນ;

ຕຎ຺ຈ ສພ຺ພໍ ມຍາ ທິນ຺ນໍ, ວິປ຺ປສນ຺ເນນ ເຈຕສາ.

໘. ‘‘ຈຕຸນ຺ນວຸຕິໂຕ ກປ຺ເປ, ຍໍ ຜລໍ ອທທິໍ ຕທາ;

ທຸຄ຺ຄຕິໍ ນາຠິຊານາມິ, ຜລທານສ຺ສິທໍ ຜລໍ.

໙. ‘‘ສຕ຺ຕປຎ຺ຎາສິໂຕ ກປ຺ເປ, ເອກຊ຺ໂຌ ນາມ ຂຕ຺ຕິໂຍ;

ສຕ຺ຕຣຕນສມ຺ປນ຺ໂນ, ຈກ຺ກວຕ຺ຕີ ມຫພ຺ພໂລ.

໑໐. ‘‘ປຏິສມ຺ຠິທາ ຈຕສ຺ໂສ…ເປ… ກຕໍ ພຸທ຺ຘສ຺ສ ສາສນໍ’’.

ອິຕ຺ຖໍ ສຸທໍ ອາຍສ຺ມາ ຜລທາຍໂກ ເຖໂຣ ອິມາ ຄາຖາໂຍ ອຠາສິຕ຺ຖາຕິ.

ຜລທາຍກຕ຺ເຖຣສ຺ສາປທານໍ ທຸຕິຍໍ.