໑໐. ປຸພ຺ພງ຺ຄມິຍຕ຺ເຖຣອປທານໍ

໔໓. ‘‘ຈຸລ຺ລາສີຕິສຫສ຺ສານິ, ປພ຺ພຊິມ຺ຫ ອກິຎ຺ຈນາ;

ເຕສໍ ປຸພ຺ພງ຺ຄໂມ ອາສິໍ, ອຸຕ຺ຕມຕ຺ຖສ຺ສ ປຕ຺ຕິຍາ.

໔໔. ‘‘ສຣາຄາ ສຠວາ [ສໂມຫາ (ສ຺ຍາ.)] ເຈເຕ, ວິປ຺ປສນ຺ນມນາວິລາ;

ອຸປຏ຺ຐຫິໍສຸ ສກ຺ກຈ຺ຈໍ, ປສນ຺ນາ ເສຫິ ປາຓິຠິ.

໔໕. ‘‘ຂີຓາສວາ ວນ຺ຕໂທສາ, ກຕກິຈ຺ຈາ ອນາສວາ;

ຜຣິໍສຸ ເມຕ຺ຕຈິຕ຺ເຕນ, ສຍມ຺ຠູ ອປຣາຊິຕາ.

໔໖. ‘‘ເຕສໍ ອຸປຏ຺ຐຫິຕ຺ວານ, ສມ຺ພຸທ຺ຘານໍ ປຕິສ຺ສໂຕ;

ມຣຓຎ຺ຈ ອນຸປ຺ປຕ຺ໂຕ, ເທວຕ຺ຕຎ຺ຈ ອຄມ຺ຫເສ.

໔໗. ‘‘ຈຕຸນ຺ນວຸຕິໂຕ ກປ຺ເປ, ຍໍ ສີລມນຸປາລຍິໍ;

ທຸຄ຺ຄຕິໍ ນາຠິຊານາມິ, ສຎ຺ຎມສ຺ສ ອິທໍ ຜລໍ.

໔໘. ‘‘ປຏິສມ຺ຠິທາ ຈຕສ຺ໂສ…ເປ… ກຕໍ ພຸທ຺ຘສ຺ສ ສາສນໍ’’.

ອິຕ຺ຖໍ ສຸທໍ ອາຍສ຺ມາ ປຸພ຺ພງ຺ຄມິໂຍ ເຖໂຣ ອິມາ ຄາຖາໂຍ ອຠາສິຕ຺ຖາຕິ.

ປຸພ຺ພງ຺ຄມິຍຕ຺ເຖຣສ຺ສາປທານໍ ທສມໍ.

ປຓ຺ຓທາຍກວຄ຺ໂຄ ເອກູນຕິໍສຕິໂມ.