໙. ເອກຈາຣິຍຕ຺ເຖຣອປທານໍ

໕໑. ‘‘ຕາວຕິໍເສສຸ ເທເວສຸ, ມຫາໂຆໂສ ຕທາ ອຫຸ;

ພຸທ຺ໂຘ ຈ ໂລເກ ນິພ຺ພາຕິ, ມຍຎ຺ຈມ຺ຫ ສຣາຄິໂນ.

໕໒. ‘‘ເຕສໍ ສໍເວຄຊາຕານໍ, ໂສກສລ຺ລສມງ຺ຄິນໍ;

ສພເລນ ອຸປຕ຺ຖທ຺ໂຘ, ອຄມໍ ພຸທ຺ຘສນ຺ຕິກໍ.

໕໓. ‘‘ມນ຺ທາຣວໍ ຄເຫຕ຺ວານ, ສງ຺ຄີຕິ [ສຓ຺ຫິຕໍ (ສີ.), ສງ຺ຄິຕໍ (ສ຺ຍາ.)] ອຠິນິມ຺ມິຕໍ;

ປຣິນິພ຺ພຸຕກາລມ຺ຫິ, ພຸທ຺ຘສ຺ສ ອຠິໂຣປຍິໍ.

໕໔. ‘‘ສພ຺ເພ ເທວານຸໂມທິໍສຸ, ອຈ຺ຉຣາໂຍ ຈ ເມ ຕທາ;

ກປ຺ປານໍ ສຕສຫສ຺ສໍ, ທຸຄ຺ຄຕິໍ ນຸປປຊ຺ຊຫໍ.

໕໕. ‘‘ສຏ຺ຐິກປ຺ປສຫສ຺ສມ຺ຫິ, ອິໂຕ ໂສຬສ ເຕ ຊນາ;

ມຫາມລ຺ລຊນາ ນາມ, ຈກ຺ກວຕ຺ຕີ ມຫພ຺ພລາ.

໕໖. ‘‘ປຏິສມ຺ຠິທາ ຈຕສ຺ໂສ…ເປ… ກຕໍ ພຸທ຺ຘສ຺ສ ສາສນໍ’’.

ອິຕ຺ຖໍ ສຸທໍ ອາຍສ຺ມາ ເອກຈາຣິໂຍ ເຖໂຣ ອິມາ ຄາຖາໂຍ ອຠາສິຕ຺ຖາຕິ.

ເອກຈາຣິຍຕ຺ເຖຣສ຺ສາປທານໍ ນວມໍ.