໘. ຜລກທາຍກຕ຺ເຖຣອປທານໍ

໓໗. ‘‘ຍານກາໂຣ ປຸເຣ ອາສິໍ, ທາຣຸກມ຺ເມ ສຸສິກ຺ຂິໂຕ;

ຈນ຺ທນໍ ຜລກໍ ກຕ຺ວາ, ອທາສິໍ ໂລກພນ຺ຘຸໂນ.

໓໘. ‘‘ປຠາສຕິ ອິທໍ ພ຺ຍມ຺ຫໍ, ສຸວຓ຺ຓສ຺ສ ສຸນິມ຺ມິຕໍ;

ຫຕ຺ຖິຍານໍ ອສ຺ສຍານໍ, ທິພ຺ພຍານໍ ອຸປຏ຺ຐິຕໍ.

໓໙. ‘‘ປາສາທາ ສິວິກາ ເຈວ, ນິພ຺ພຕ຺ຕນ຺ຕິ ຍທິຈ຺ຉກໍ;

ອກ຺ຂຸພ຺ຠໍ [ອກ຺ໂຂຠໍ (ສີ.)] ຣຕນໍ ມຍ຺ຫໍ, ຜລກສ຺ສ ອິທໍ ຜລໍ.

໔໐. ‘‘ເອກນວຸຕິໂຕ ກປ຺ເປ, ຜລກໍ ຍມຫໍ ທທິໍ;

ທຸຄ຺ຄຕິໍ ນາຠິຊານາມິ, ຜລກສ຺ສ ອິທໍ ຜລໍ.

໔໑. ‘‘ສຕ຺ຕປຎ຺ຎາສກປ຺ປມ຺ຫິ, ຈຕຸໂຣ ນິມ຺ມິຕາວ຺ຫຍາ;

ສຕ຺ຕຣຕນສມ຺ປນ຺ນາ, ຈກ຺ກວຕ຺ຕີ ມຫພ຺ພລາ.

໔໒. ‘‘ປຏິສມ຺ຠິທາ ຈຕສ຺ໂສ…ເປ… ກຕໍ ພຸທ຺ຘສ຺ສ ສາສນໍ’’.

ອິຕ຺ຖໍ ສຸທໍ ອາຍສ຺ມາ ຜລກທາຍໂກ ເຖໂຣ ອິມາ ຄາຖາໂຍ ອຠາສິຕ຺ຖາຕິ.

ຜລກທາຍກຕ຺ເຖຣສ຺ສາປທານໍ ອຏ຺ຐມໍ.