໘. ຎາຓສຎ຺ຎິກຕ຺ເຖຣອປທານໍ

໘໔. ‘‘ປພ຺ພເຕ ຫິມວນ຺ຕມ຺ຫິ, ວສາມິ ປພ຺ພຕນ຺ຕເຣ;

ປຸລິນໍ ໂສຠນໍ ທິສ຺ວາ, ພຸທ຺ຘເສຏ຺ຐໍ ອນຸສ຺ສຣິໍ.

໘໕. ‘‘ຎາເຓ ອຸປນິຘາ ນຕ຺ຖິ, ສງ຺ຂາຣໍ [ສງ຺ຄາມໍ (ສີ. ສ຺ຍາ.), ສງ຺ຂາຕໍ (ເຖຣຄາຖາ ອຏ຺ຐ.)] ນຕ຺ຖິ ສຕ຺ຖຸໂນ;

ສພ຺ພຘມ຺ມໍ ອຠິຎ຺ຎາຍ, ຎາເຓນ ອຘິມຸຈ຺ຈຕິ.

໘໖. ‘‘ນໂມ ເຕ ປຸຣິສາຊຎ຺ຎ, ນໂມ ເຕ ປຸຣິສຸຕ຺ຕມ;

ຎາເຓນ ເຕ ສໂມ ນຕ຺ຖິ, ຍາວຕາ ຎາຓມຸຕ຺ຕມໍ.

໘໗. ‘‘ຎາເຓ ຈິຕ຺ຕໍ ປສາເທຕ຺ວາ, ກປ຺ປໍ ສຄ຺ຄມ຺ຫິ ໂມທຫໍ;

ອວເສເສສຸ ກປ຺ເປສຸ, ກຸສລໍ ຈຣິຕໍ [ກຣິຕໍ (ສີ. ສ຺ຍາ.), ກິຣິຍໍ (ກ.)] ມຍາ.

໘໘. ‘‘ເອກນວຸຕິໂຕ ກປ຺ເປ, ຍໍ ສຎ຺ຎມລຠິໍ ຕທາ;

ທຸຄ຺ຄຕິໍ ນາຠິຊານາມິ, ຎາຓສຎ຺ຎາຍິທໍ ຜລໍ.

໘໙. ‘‘ອິໂຕ ສຕ຺ຕຕິກປ຺ປມ຺ຫິ [ເຕສຕ຺ຕຕິກປ຺ເປ (ສີ. ສ຺ຍາ.)], ເອໂກ ປຸລິນປຸປ຺ຜິໂຍ;

ສຕ຺ຕຣຕນສມ຺ປນ຺ໂນ, ຈກ຺ກວຕ຺ຕີ ມຫພ຺ພໂລ.

໙໐. ‘‘ປຏິສມ຺ຠິທາ ຈຕສ຺ໂສ…ເປ… ກຕໍ ພຸທ຺ຘສ຺ສ ສາສນໍ’’.

ອິຕ຺ຖໍ ສຸທໍ ອາຍສ຺ມາ ຎາຓສຎ຺ຎິໂກ ເຖໂຣ ອິມາ ຄາຖາໂຍ ອຠາສິຕ຺ຖາຕິ.

ຎາຓສຎ຺ຎິກຕ຺ເຖຣສ຺ສາປທານໍ ອຏ຺ຐມໍ.