໘. ອາສນຸປຏ຺ຐາຫກຕ຺ເຖຣອປທານໍ

໔໗. ‘‘ການນໍ ວນໂມຄຍ຺ຫ, ອປ຺ປສທ຺ທໍ ນິຣາກຸລໍ;

ສີຫາສນໍ ມຍາ ທິນ຺ນໍ, ອຕ຺ຖທສ຺ສິສ຺ສ ຕາທິໂນ.

໔໘. ‘‘ມາລາຫຕ຺ຖໍ ຄເຫຕ຺ວານ, ກຕ຺ວາ ຈ ນໍ ປທກ຺ຂິຓໍ;

ສຕ຺ຖາຣໍ ປຍິຣຸປາສິຕ຺ວາ, ປກ຺ກາມິໍ ອຸຕ຺ຕຣາມຸໂຂ.

໔໙. ‘‘ເຕນ ກມ຺ເມນ ທ຺ວິປທິນ຺ທ, ໂລກເຊຏ຺ຐ ນຣາສຠ;

ສນ຺ນິພ຺ພາເປມິ [ສນ຺ທິຏ຺ຐາເປມິ (ກ.)] ອຕ຺ຕານໍ, ຠວາ ສພ຺ເພ ສມູຫຕາ.

໕໐. ‘‘ອຏ຺ຐາຣສກປ຺ປສເຕ, ຍໍ ທານມທທິໍ ຕທາ;

ທຸຄ຺ຄຕິໍ ນາຠິຊານາມິ, ສີຫາສນສ຺ສິທໍ ຜລໍ.

໕໑. ‘‘ອິໂຕ ສຕ຺ຕກປ຺ປສເຕ, ສນ຺ນິພ຺ພາປກ [ສນ຺ນິຏ຺ໂຐ ນາມ (ກ.)] ຂຕ຺ຕິໂຍ;

ສຕ຺ຕຣຕນສມ຺ປນ຺ໂນ, ຈກ຺ກວຕ຺ຕີ ມຫພ຺ພໂລ.

໕໒. ‘‘ປຏິສມ຺ຠິທາ ຈຕສ຺ໂສ…ເປ… ກຕໍ ພຸທ຺ຘສ຺ສ ສາສນໍ’’.

ອິຕ຺ຖໍ ສຸທໍ ອາຍສ຺ມາ ອາສນຸປຏ຺ຐາຫໂກ ເຖໂຣ ອິມາ ຄາຖາໂຍ ອຠາສິຕ຺ຖາຕິ.

ອາສນຸປຏ຺ຐາຫກຕ຺ເຖຣສ຺ສາປທານໍ ອຏ຺ຐມໍ.