໒. ຎາຓສຎ຺ຎິກຕ຺ເຖຣອປທານໍ

໗. ‘‘ສຸວຓ຺ຓວຓ຺ຓໍ ສມ຺ພຸທ຺ຘໍ, ນິສຠາຊານິຍໍ ຍຖາ;

ຕິຘາປຠິນ຺ນໍ ມາຕງ຺ຄໍ, ກຸຎ຺ຊຣໍວ ມເຫສິນໍ.

໘. ‘‘ໂອຠາເສນ຺ຕໍ ທິສາ ສພ຺ພາ, ອຸຬຸຣາຊໍວ ປູຣິຕໍ;

ຣຖິຍໍ ປຏິປຊ຺ຊນ຺ຕໍ, ໂລກເຊຏ຺ຐໍ ອປສ຺ສຫໍ.

໙. ‘‘ຎາເຓ ຈິຕ຺ຕໍ ປສາເທຕ຺ວາ, ປຄ຺ຄເຫຕ຺ວານ ອຎ຺ຊລິໍ;

ປສນ຺ນຈິຕ຺ໂຕ ສຸມໂນ, ສິທ຺ຘຕ຺ຖມຠິວາທຍິໍ.

໑໐. ‘‘ຈຕຸນ຺ນວຸຕິໂຕ ກປ຺ເປ, ຍໍ ກມ຺ມມກຣິໍ ຕທາ;

ທຸຄ຺ຄຕິໍ ນາຠິຊານາມິ, ຎາຓສຎ຺ຎາຍິທໍ ຜລໍ.

໑໑. ‘‘ເຕສຕ຺ຕຕິມ຺ຫິໂຕ ກປ຺ເປ, ໂສຬສາສຸໍ ນຣຸຕ຺ຕມາ;

ສຕ຺ຕຣຕນສມ຺ປນ຺ນາ, ຈກ຺ກວຕ຺ຕີ ມຫພ຺ພລາ.

໑໒. ‘‘ປຏິສມ຺ຠິທາ ຈຕສ຺ໂສ…ເປ… ກຕໍ ພຸທ຺ຘສ຺ສ ສາສນໍ’’.

ອິຕ຺ຖໍ ສຸທໍ ອາຍສ຺ມາ ຎາຓສຎ຺ຎິໂກ ເຖໂຣ ອິມາ ຄາຖາໂຍ ອຠາສິຕ຺ຖາຕິ.

ຎາຓສຎ຺ຎິກຕ຺ເຖຣສ຺ສາປທານໍ ທຸຕິຍໍ.