໙-໑໐. ປຐມວິຠງ຺ຄສຸຕ຺ຕາທິວຓ຺ຓນາ

໔໗໙-໔໘໐. ນວເມ ສຕິເນປກ຺ເກນາຕິ ເອຕ຺ຖ ນິປກສ຺ສ ຠາໂວ ເນປກ຺ກໍ, ປຎ຺ຎາເຍຕໍ ນາມໍ. ກສ຺ມາ ປນ ສຕິຠາຊເນ ປຎ຺ຎາ ວຸຕ຺ຕາຕິ? ສຕິຍາ ພລວຠາວທສ຺ສນຕ຺ຖໍ. ພລວສຕິ ຫິ ອິຘ ອຘິປ຺ເປຕາ. ສາ ຈ ປຎ຺ຎາສມ຺ປຍຸຕ຺ຕາວ ພລວຕີ ໂຫຕິ, ນ ວິປ຺ປຍຸຕ຺ຕາຕິ ປຎ຺ຎາສມ຺ປຍຸຕ຺ຕສຕິໍ ທສ຺ເສນ຺ໂຕ ເອວມາຫ. ຈິຣກຕນ຺ຕິ ຈິຣກາລໍ ກຕໍ ທານໍ ວາ ສີລໍ ວາ ອຸໂປສຖກມ຺ມໍ ວາ. ຈິຣຠາສິຕນ຺ຕິ ‘‘ອສຸກສ຺ມິໍ ຐາເນ ອສຸກໍ ນາມ ຠາສິຕ’’ນ຺ຕິ ເອວໍ ຈິຣກາເລ ຠາສິຕໍ. ໂວສ຺ສຄ຺ຄາຣມ຺ມຓໍ ກຕ຺ວາຕິ ນິພ຺ພານາຣມ຺ມຓໍ ກຕ຺ວາ. ອຸທຍຕ຺ຖຄາມິນິຍາຕິ ອຸທຍຎ຺ຈ ອຕ຺ຖຎ຺ຈ ຄຈ຺ຉນ຺ຕິຍາ, ອຸທຍພ຺ພຍປຣິຄ຺ຄຫິກາຍາຕິ ອຕ຺ໂຖ. ອິມສ຺ມິໍ ສຸຕ຺ເຕ ສທ຺ຘາສຕິປຎ຺ຎິນ຺ທ຺ຣິຍານິ ປຸພ຺ພຠາຄານິ, ວີຣິຍິນ຺ທ຺ຣິຍໍ ມິສ຺ສກໍ, ສມາຘິນ຺ທ຺ຣິຍໍ ນິພ຺ພຕ຺ຕິຕໂລກຸຕ຺ຕຣເມວ ກຖິຕໍ. ທສເມປິ ອຍເມວ ຘມ຺ມປຣິຈ຺ເຉໂທຕິ.

ສຸທ຺ຘິກວຄ຺ໂຄ ປຐໂມ.