໔-໕. ອຸກ຺ກເຈລສຸຕ຺ຕາທິວຓ຺ຓນາ

໓໘໐-໓໘໑. ຈຕຸຕ຺ເຖ ອຈິຣປຣິນິພ຺ພຸເຕສຸ ສາຣິປຸຕ຺ຕໂມຄ຺ຄລ຺ລາເນສູຕິ ນຈິຣປຣິນິພ຺ພຸເຕສຸ ທ຺ວີສຸ ອຄ຺ຄສາວເກສຸ. ເຕສຎ຺ຫິ ຘມ຺ມເສນາປຕິ ກຕ຺ຕິກມາສປຸຓ຺ຓມາຍ ປຣິນິພ຺ພຸໂຕ, ມຫາໂມຄ຺ຄລ຺ລາໂນ ຕໂຕ ອຑ຺ຒມາສໍ ອຕິກ຺ກມ຺ມ ອມາວສຸໂປສເຖ. ສຕ຺ຖາ ທ຺ວີສຸ ອຄ຺ຄສາວເກສຸ ປຣິນິພ຺ພຸເຕສຸ ມຫາຠິກ຺ຂຸສງ຺ຆປຣິວາໂຣ ມຫາມຓ຺ຑເລ ຈາຣິກໍ ຈຣມາໂນ ອນຸປຸພ຺ເພນ ອຸກ຺ກເຈລນຄຣໍ ປຕ຺ວາ ຕຕ຺ຖ ປິຓ຺ຑາຍ ຈຣິຕ຺ວາ ຄງ຺ຄາປິຏ຺ເຐ ຣຊຕປຏ຺ຏວຓ຺ຓວາລິກາປຸລິເນ ວິຫາສິ. ເຕນ ວຸຕ຺ຕໍ ‘‘ອຈິຣປຣິນິພ຺ພຸເຕສຸ ສາຣິປຸຕ຺ຕໂມຄ຺ຄລ຺ລາເນສູ’’ຕິ. ເຍ ມຫນ຺ຕຕຣາ ຂນ຺ຘາ ເຕ ປລຸຊ຺ເຊຍ຺ຍຸນ຺ຕິ ອິຘາປິ ໂຍຊນສຕຸພ຺ເພໂຘ ມຫາຊມ຺ພຸຣຸກ຺ໂຂ ວິຍ ຠິກ຺ຂຸສງ຺ໂຆ, ຕສ຺ສ ທກ຺ຂິຓໂຕ ຈ ອຸຕ຺ຕຣໂຕ ຈ ຄຕາ ປຓ຺ຓາສໂຍຊນິກາ ທ຺ເວ ມຫາຂນ຺ຘາ ວິຍ ທ຺ເວ ອຄ຺ຄສາວກາຕິ. ເສສໍ ປຸຣິມນເຍເນວ ໂຍເຊຕພ຺ພໍ. ປຎ຺ຈເມ ທິຏ຺ຐີຕິ ກມ຺ມສ຺ສກທິຏ຺ຐິ.