໔. ສີສປາວນວຄ຺ໂຄ

໑. ສີສປາວນສຸຕ຺ຕວຓ຺ຓນາ

໑໑໐໑. ຈຕຸຕ຺ຖສ຺ສ ປຐເມ ຍທິທໍ ອຸປຣີຕິ ຍານິ ອິມານິ ອຸປຣິ. ສີສປາວເນຕິ ສີສປາຣຸກ຺ເຂ.

໒. ຂທິຣປຕ຺ຕສຸຕ຺ຕວຓ຺ຓນາ

໑໑໐໒. ທຸຕິເຍ ອນຠິສເມຈ຺ຈາຕິ ຎາເຓນ ອນຠິສມາຄນ຺ຕ຺ວາ, ອປ຺ປຏິວິຊ຺ຌິຕ຺ວາຕິ ອຕ຺ໂຖ.

໓. ທຓ຺ຑສຸຕ຺ຕວຓ຺ຓນາ

໑໑໐໓. ຕຕິເຍ ອສ຺ມາ ໂລກາ ປຣໍ ໂລກນ຺ຕິ ອິມມ຺ຫາ ມນຸສ຺ສໂລກາ ປຣໍ ນິຣຍມ຺ປິ, ຕິຣຈ຺ຉານໂຍນິມ຺ປິ, ເປຕ຺ຕິວິສຍມ຺ປິ, ມນຸສ຺ສໂລກມ຺ປິ, ເທວໂລກມ຺ປິ, ຄຈ຺ຉນ຺ຕິ, ປຸນປ຺ປຸນໍ ວຏ຺ຏສ຺ມິໍເຍວ ນິພ຺ພຕ຺ຕນ຺ຕີຕິ ອຕ຺ໂຖ.

໕. ສຕ຺ຕິສຕສຸຕ຺ຕວຓ຺ຓນາ

໑໑໐໕. ປຎ຺ຈເມ ເອວຎ຺ເຈຕໍ, ຠິກ຺ຂເວ, ອສ຺ສາຕິ, ຠິກ຺ຂເວ, ເອວໍ ເຈ ເອຕໍ ຠເວຍ຺ຍ, ນິຣນ຺ຕຣໍ ສຕ຺ຕິສເຕຫິ ຫຎ຺ຎມານສ຺ສ ທຸກ຺ຂໂທມນສ຺ເສຫິ ສເຫເວສ ສຈ຺ຈາຠິສມໂຍ ຠເວຍ຺ຍ ເຈຕິ ອຕ຺ໂຖ.

໙. ອິນ຺ທຂີລສຸຕ຺ຕວຓ຺ຓນາ

໑໑໐໙. ນວເມ ມຸຂໍ ໂອໂລເກນ຺ຕີຕິ ອຊ຺ຌາສຍໍ ໂອໂລເກນ຺ຕິ. ອຊ຺ຌາສໂຍ ອິຘ ມຸຂນ຺ຕິ ອຘິປ຺ເປໂຕ.

໑໐. ວາທຕ຺ຖິກສຸຕ຺ຕວຓ຺ຓນາ

໑໑໑໐. ທສເມ ສິລາຍູໂປຕິ ສິລາຖມ຺ໂຠ. ໂສຬສກຸກ຺ກຸໂກຕິ ໂສຬສຫຕ຺ໂຖ. ໂສຬສກຸກ຺ກູຕິປິ ປາໂຐ. ເຫຏ຺ຐາ ເນມງ຺ຄມາຕິ ເຫຏ຺ຐາ ອາວາຏໍ ປວິຏ຺ຐາ. ອຏ຺ຐ ກຸກ຺ກຸ ອຸປຣິເນມສ຺ສາຕິ ອຏ຺ຐ ຫຕ຺ຖາ ອາວາຏສ຺ສ ອຸປຣິ ອຸຄ຺ຄນ຺ຕ຺ວາ ຐິຕາ ຠເວຍ຺ຍຸໍ. ຠຸສາຕິ ພລວຕີ. ເສສໍ ສພ຺ພຕ຺ຖ ອຸຕ຺ຕານເມວາຕິ.

ສີສປາວນວຄ຺ໂຄ ຈຕຸຕ຺ໂຖ.