໘. ຕຕິຍໂອວາທສຸຕ຺ຕວຓ຺ຓນາ

໑໕໑. ອຏ຺ຐເມ ຕຖາ ຫິ ປນາຕິ ປຸພ຺ເພ ໂສວຈສ຺ສຕາຍ, ເອຕຣຫິ ຈ ໂທວຈສ຺ສຕາຍ ກາຣຓປຏ຺ຐປເນ ນິປາໂຕ. ຕຕ຺ຣາຕິ ເຕສຸ ເຖເຣສຸ. ໂກ ນາມາຍໍ ຠິກ຺ຂູຕິ ໂກ ນາໂມ ອຍໍ ຠິກ຺ຂຸ? ກິໍ ຕິສ຺ສຕ຺ເຖໂຣ ກິໍ ນາຄຕ຺ເຖໂຣຕິ? ຕຕ຺ຣາຕິ ຕສ຺ມິໍ ເອວໍ ສກ຺ກາເຣ ກຍິຣມາເນ. ຕຖຕ຺ຕາຍາຕິ ຕຖາຠາວາຍ, ອາຣຎ຺ຎິກາທິຠາວາຍາຕິ ອຕ຺ໂຖ. ສພ຺ຣຫ຺ມຈາຣິກາໂມຕິ ‘‘ອິເມ ມໍ ປຣິວາເຣຕ຺ວາ ຈຣນ຺ຕູ’’ຕິ ເອວໍ ກາເມຕິ ອິຈ຺ຉຕິ ປຕ຺ເຖຕີຕິ ສພ຺ຣຫ຺ມຈາຣິກາໂມ. ຕຖຕ຺ຕາຍາຕິ ລາຠສກ຺ກາຣນິພ຺ພຕ຺ຕນຕ຺ຖາຍ. ພ຺ຣຫ຺ມຈາຣຸປທ຺ທເວນາຕິ ໂຍ ສພ຺ຣຫ຺ມຈາຣີນໍ ຈຕູສຸ ປຈ຺ຈເຍສຸ ອຘິມຕ຺ຕຈ຺ຉນ຺ທຣາໂຄ ອຸປທ຺ທໂວຕິ ວຸຈ຺ຈຕິ, ເຕນ ອຸປທ຺ທຸຕາ. ອຠິປຕ຺ຖນາຕິ ອຘິມຕ຺ຕປຕ຺ຖນາ. ພ຺ຣຫ຺ມຈາຣິອຠິປຕ຺ຖເນນາຕິ ພ຺ຣຫ຺ມຈາຣີນໍ ອຘິມຕ຺ຕປຕ຺ຖນາສງ຺ຂາເຕນ ຈຕຸປຈ຺ຈຍຠາເວນ. ອຏ຺ຐມໍ.