໓. ປຎ຺ຫາປຸຈ຺ຉກວຓ຺ຓນາ

໔໘໒. ປຎ຺ຫາປຸຈ຺ຉເກ ປາຬິອນຸສາເຣເນວ ໂພຊ຺ຌງ຺ຄານໍ ກຸສລາທິຠາໂວ ເວທິຕພ຺ໂພ. ອາຣມ຺ມຓຕ຺ຕິເກສຸ ປນ ສພ຺ເພເປເຕ ອປ຺ປມາຓໍ ນິພ຺ພານໍ ອາຣພ຺ຠ ປວຕ຺ຕິໂຕ ອປ຺ປມາຓາຣມ຺ມຓາ ເອວ, ນ ມຄ຺ຄາຣມ຺ມຓາ. ສຫຊາຕເຫຕຸວເສນ ປເນຕ຺ຖ ກຸສລາ ມຄ຺ຄເຫຕຸກາ, ວີຣິຍໍ ວາ ວີມໍສໍ ວາ ເຊຏ຺ຐກໍ ກຕ຺ວາ ມຄ຺ຄຠາວນາກາເລ ມຄ຺ຄາຘິປຕິໂນ, ຉນ຺ທຈິຕ຺ຕເຊຏ຺ຐິກາຍ ມຄ຺ຄຠາວນາຍ ນ ວຕ຺ຕພ຺ພາ ມຄ຺ຄາຘິປຕິໂນຕິ, ຜລກາເລປິ ນ ວຕ຺ຕພ຺ພາ ເອວ.

ອຕີຕາທີສຸ ເອກາຣມ຺ມຓຠາເວນປິ ນ ວຕ຺ຕພ຺ພາ, ນິພ຺ພານສ຺ສ ປນ ພຫິທ຺ຘາຘມ຺ມຕ຺ຕາ ພຫິທ຺ຘາຣມ຺ມຓາ ນາມ ໂຫນ຺ຕີຕິ. ເອວເມຕສ຺ມິໍ ປຎ຺ຫາປຸຈ຺ຉເກປິ ນິພ຺ພຕ຺ຕິຕໂລກຸຕ຺ຕຣາວ ໂພຊ຺ຌງ຺ຄາ ກຖິຕາ. ສມ຺ມາສມ຺ພຸທ຺ເຘນ ຫິ ສຸຕ຺ຕນ຺ຕຠາຊນີຍສ຺ເສວ ປຐມນຍສ຺ມິໍ ໂລກິຍາ, ທຸຕິຍຕຕິເຍສຸ ໂລກິຍໂລກຸຕ຺ຕຣມິສ຺ສກາ ໂພຊ຺ຌງ຺ຄາ ກຖິຕາ. ອຠິຘມ຺ມຠາຊນີຍສ຺ສ ປນ ຈຕູສຸປິ ນເຍສຸ ອິມສ຺ມິຎ຺ຈ ປຎ຺ຫາປຸຈ຺ຉເກ ໂລກຸຕ຺ຕຣາເຍວາຕິ ເອວມຍໍ ໂພຊ຺ຌງ຺ຄວິຠງ຺ໂຄປິ ເຕປຣິວຏ຺ຏໍ ນີຫຣິຕ຺ວາວ ຠາເຊຕ຺ວາ ທສ຺ສິໂຕຕິ.

ສມ຺ໂມຫວິໂນທນິຍາ ວິຠງ຺ຄຏ຺ຐກຖາຍ

ໂພຊ຺ຌງ຺ຄວິຠງ຺ຄວຓ຺ຓນາ ນິຏ຺ຐິຕາ.