໔. ຘາຕຸຍມກໍ

໑-໑໙. ອິທານິ ເຕເຍວ ມູລຍມເກ ເທສິເຕ ກຸສລາທິຘມ຺ເມ ຘາຕຸວເສນ ສງ຺ຄຓ຺ຫິຕ຺ວາ ອາຍຕນຍມການນ຺ຕຣໍ ເທສິຕສ຺ສ ຘາຕຸຍມກສ຺ສ ວຓ຺ຓນາ ໂຫຕິ. ຕຕ຺ຖ ອາຍຕນຍມເກ ວຸຕ຺ຕນເຍເນວ ປາຬິວວຕ຺ຖານໍ ເວຕິທພ຺ພໍ. ອິຘາປິ ຫິ ປຓ຺ຓຕ຺ຕິວາຣາທໂຍ ຕໂຍ ມຫາວາຣາ, ອວເສສາ ອນ຺ຕຣວາຣາ ຈ ສທ຺ຘິໍ ກາລປ຺ປເຠທາທີຫິ ອາຍຕນຍມເກ ອາຄຕສທິສາເຍວ. ອິຘາປິ ຈ ຍມກປຸຈ຺ຉາສຸຂຕ຺ຖໍ ປຏິປາຏິຍາ ອຊ຺ຌຕ຺ຕິກພາຫິຣາ ຣູປຘາຕຸໂຍວ ວຕ຺ວາ ວິຎ຺ຎາຓຘາຕຸໂຍ ວຸຕ຺ຕາ. ຘາຕູນໍ ປນ ພຫຸຕ຺ຕາ ອິຘ ອາຍຕນຍມກໂຕ ພຫຸຕຣານິ ຍມການິ, ຍມກທິຄຸຓາ ປຸຈ຺ຉາ, ປຸຈ຺ຉາທິຄຸຓາ ຈ ອຕ຺ຖາ ໂຫນ຺ຕິ. ຕຕ຺ຖ ຈກ຺ຂຸຘາຕຸມູລກາທີສຸ ຍມເກສຸ ລພ຺ຠມານານໍ ຍມການໍ ອຕ຺ຖວິນິຈ຺ຉໂຍ ອາຍຕນຍມເກ ວຸຕ຺ຕນເຍເນວ ເວທິຕພ຺ໂພ. ຕໍສທິສາເຍວ ເຫຕ຺ຖ ອຕ຺ຖຄຕິ, ເຕເນວ ຈ ກາຣເຓນ ປາຬິປິ ສງ຺ຂິຕ຺ຕາ. ປຣິຎ຺ຎາວາໂຣ ປາກຕິໂກເຍວາຕິ.

ຘາຕຸຍມກວຓ຺ຓນາ ນິຏ຺ຐິຕາ.