໘. ອພ຺ຍາກຕກຖາວຓ຺ຓນາ

໙໐໑-໙໐໒. ອິທານິ ອພ຺ຍາກຕກຖາ ນາມ ໂຫຕິ. ຕຕ຺ຖ ‘‘ອຕ຺ເຖສາ, ຠິກ຺ຂເວ, ເຈຕນາ, ສາ ຈ ໂຂ ອພ຺ໂພຫາຣິກາ’’ຕິ (ປາຣາ. ໒໓໕) ວຈນໂຕ ‘‘ສພ຺ພໍ ສຸປິນຄຕສ຺ສ ຈິຕ຺ຕໍ ອພ຺ຍາກຕ’’ນ຺ຕິ ເຍສໍ ລທ຺ຘິ, ເສຍ຺ຍຖາປິ ເອກຈ຺ຈານໍ ອຸຕ຺ຕຣາປຖການຎ຺ເຎວ, ເຕ ສນ຺ຘາຍ ປຸຈ຺ຉາ ສກວາທິສ຺ສ, ປຏິຎ຺ຎາ ອິຕຣສ຺ສ. ເສສເມຕ຺ຖ ຍຖາ ປາຬິເມວ ນິຍ຺ຍາຕິ. ສຸປິນຄຕສ຺ສ ຈິຕ຺ຕໍ ອພ຺ໂພຫາຣິກນ຺ຕິ ອິທໍ ອາປຕ຺ຕິໍ ສນ຺ຘາຍ ວຸຕ຺ຕໍ. ສຸປິນຄຕສ຺ສ ຫິ ປາຓາຕິປາຕາທິວເສນ ກິຎ຺ຈາປິ ອກຸສລຈິຕ຺ຕໍ ປວຕ຺ຕຕິ, ວຕ຺ຖຸວິໂກປນໍ ປນ ນຕ຺ຖີຕິ ນ ສກ຺ກາ ຕຕ຺ຖ ອາປຕ຺ຕິໍ ປຎ຺ຎເປຕຸໍ. ອິມິນາ ກາຣເຓນ ຕໍ ອພ຺ໂພຫາຣິກໍ, ນ ອພ຺ຍາກຕຕ຺ຕາຕິ.

ອພ຺ຍາກຕກຖາວຓ຺ຓນາ.