໗. ຕິກປທວຓ຺ຓນາ

໗໗. ເອວໍ ອພ຺ຠນ຺ຕຣມາຕິກາຍ ສງ຺ຄຫໍ ທສ຺ເສຕ຺ວາ ອິທານິ ພາຫິຣມາຕິກາຍ ສງ຺ຄຫໍ ທສ຺ເສຕຸໍ ກຸສລາ ຘມ຺ມາຕິອາທິ ອາຣທ຺ຘໍ. ຕຕ຺ຖ ເວທນາຕ຺ຕິເກ ຕີຫິ ຘາຕູຫີຕິ ກາຍວິຎ຺ຎາຓມໂນວິຎ຺ຎາຓຘມ຺ມຘາຕູຫິ. ສຕ຺ຕຫິ ຘາຕູຫີຕິ ຈກ຺ຂຸໂສຕຆານຊິວ຺ຫາວິຎ຺ຎາຓຘາຕູຫິ ເຈວ ມໂນຘາຕຸຘມ຺ມຘາຕຸມໂນວິຎ຺ຎາຓຘາຕູຫິ ຈ. ວິປາກຕ຺ຕິເກ ອຏ຺ຐຫິ ຘາຕູຫີຕິ ກາຍວິຎ຺ຎາຓຘາຕຸຍາ ສທ຺ຘິໍ ຕາຫິເຍວ. ວິປາກຘມ຺ມຘມ຺ມາ ປນ ສໍກິລິຏ຺ຐສໍກິເລສິເກຫິ ສທ຺ຘິໍ ສທິສວິສ຺ສຊ຺ຊນຕ຺ຕາ ເອກໂຕ ຄຫິຕາ. ຍຖາ ເຈເຕ, ເອວໍ ສພ຺ພຕິກທຸກປເທສຸ ຍໍ ຍໍ ປທໍ ເຍນ ເຍນ ປເທນ ສທ຺ຘິໍ ສທິສວິສ຺ສຊ຺ຊນໍ ໂຫຕິ, ຕໍ ຕໍ ອຸປ຺ປຏິປາຏິຍາປິ ເຕນ ເຕນ ສທ຺ຘິໍ ຄເຫຕ຺ວາ ວິສ຺ສຊ຺ຊິຕໍ. ຕຕ຺ຖ ວຸຕ຺ຕານຸສາເຣເນວ ສງ຺ຄຫາສງ຺ຄຫນໂຍ ເວທິຕພ຺ໂພຕິ.

ສງ຺ຄຫາສງ຺ຄຫປທວຓ຺ຓນາ.