(໗) ໒. ສຎ຺ຎາວຄ຺ໂຄ

໑-໒. ສຎ຺ຎາສຸຕ຺ຕທ຺ວຍວຓ຺ຓນາ

໖໑-໖໒. ທຸຕິຍສ຺ສ ປຐເມ ມຫປ຺ຜລາຕິ ວິປາກຜເລນ ມຫປ຺ຜລາ. ວິປາການິສໍເສເນວ ມຫານິສໍສາ. ອມໂຕຄຘາຕິ ນິພ຺ພານປຕິຏ຺ຐາ. ສພ຺ພໂລເກ ອນຠິຣຕິສຎ຺ຎາຕິ ສພ຺ພສ຺ມິໍ ເຕຘາຕຸສນ຺ນິເວເສ ໂລເກ ອຸກ຺ກຓ຺ຐິຕສ຺ສ ອຸປ຺ປຊ຺ຊນກສຎ຺ຎາ. ທຸຕິຍໍ ອຸຕ຺ຕານຕ຺ຖເມວ.

໓-໔. ວຑ຺ຒສຸຕ຺ຕທ຺ວຍວຓ຺ຓນາ

໖໓-໖໔. ຕຕິເຍ ວຣາທາຍີຕິ ອຸຕ຺ຕມສ຺ສ ວຣສ຺ສ ອາທາຍໂກ. ເສສເມຕ຺ຖ ຈຕຸຕ຺ເຖ ຈ ອຸຕ຺ຕານຕ຺ຖເມວາຕິ.

໕. ສາກຈ຺ຉສຸຕ຺ຕວຓ຺ຓນາ

໖໕. ປຎ຺ຈເມ ອລໍສາກຈ຺ໂຉຕິ ສາກຈ຺ຉາຍ ຍຸຕ຺ໂຕ. ອາຄຕໍ ປຎ຺ຫນ຺ຕິ ປຸຈ຺ຉິຕໍ ປຎ຺ຫໍ. ພ຺ຍາກຕ຺ຕາ ໂຫຕີຕິ ວິສ຺ສຊ຺ຊິຕາ ໂຫຕິ.

໖. ສາຊີວສຸຕ຺ຕວຓ຺ຓນາ

໖໖. ຉຏ຺ເຐ ອລໍສາຊີໂວຕິ ສາຊີວາຍ ຍຸຕ຺ໂຕ. ສາຊີໂວຕິ ປຎ຺ຫປຸຈ຺ຉນຎ຺ເຈວ ປຎ຺ຫວິສ຺ສຊ຺ຊນຎ຺ຈ. ສພ຺ເພປິ ຫິ ສພ຺ຣຫ຺ມຈາຣິໂນ ປຎ຺ຫໍ ອຸປຊີວນ຺ຕິ, ເຕເນຕໍ ປຎ຺ຫປຸຈ຺ຉນວິສ຺ສຊ຺ຊນໍ ສມານາຊີວຕາຍ ສາຊີໂວຕິ ວຸຕ຺ຕໍ. ກຕໍ ປຎ຺ຫນ຺ຕິ ອຠິສງ຺ຂຕໍ ປຎ຺ຫໍ.

໗-໑໐. ປຐມອິທ຺ຘິປາທສຸຕ຺ຕາທິວຓ຺ຓນາ

໖໗-໗໐. ສຕ຺ຕເມ ອຸສ຺ໂສຬ຺ຫີຕິ ອຘິມຕ຺ຕວີຣິຍໍ. ອຏ຺ຐເມ ອຕ຺ຕໂນ ໂພຘິມຓ຺ເຑ ປຏິວິທ຺ເຘ ອາຄມນອິທ຺ຘິປາເທ ກເຖຕ຺ວາ ອຸປຣິ ອຕ຺ຕໂນວ ຉ ອຠິຎ຺ຎາ ກເຖສີຕິ. ນວມທສເມສຸ ວິປສ຺ສນາ ກຖິຕາ. ເສສໍ ສພ຺ພຕ຺ຖ ອຸຕ຺ຕານເມວາຕິ.

ສຎ຺ຎາວຄ຺ໂຄ ທຸຕິໂຍ.