(໒໖) ໖. ອຠິຎ຺ຎາວຄ຺ໂຄ

໑-໓. ອຠິຎ຺ຎາສຸຕ຺ຕາທິວຓ຺ຓນາ

໒໕໔-໒໕໖. ຉຏ຺ຐສ຺ສ ປຐເມ ອຠິຎ຺ຎາຍາຕິ ຊານິຕ຺ວາ. ສມໂຖ ຈ ວິປສ຺ສນາ ຈາຕິ ຈິຕ຺ເຕກຄ຺ຄຕາ ຈ ສງ຺ຂາຣປຣິຄ຺ຄຫວິປສ຺ສນາຎາຓຎ຺ຈ. ວິຊ຺ຊາ ຈ ວິມຸຕ຺ຕິ ຈາຕິ ມຄ຺ຄຎາຓວິຊ຺ຊາ ຈ ເສສາ ສມ຺ປຍຸຕ຺ຕກຘມ຺ມາ ຈ. ທຸຕິເຍ ອນຣິຍປຣິເຍສນາຕິ ອນຣິຍານໍ ເອສນາ ຄເວສນາ. ຊຣາຘມ຺ມນ຺ຕິ ຊຣາສຠາວໍ. ເສເສສຸປິ ເອເສວ ນໂຍ. ຕຕິຍໍ ອຸຕ຺ຕານເມວ.

໔. ມາລຸກ຺ຍປຸຕ຺ຕສຸຕ຺ຕວຓ຺ຓນາ

໒໕໗. ຈຕຸຕ຺ເຖ ມາລຸກ຺ຍປຸຕ຺ໂຕຕິ ມາລຸກ຺ຍພ຺ຣາຫ຺ມຓິຍາ ປຸຕ຺ໂຕ. ເອຕ຺ຖາຕິ ເອຕສ຺ມິໍ ຕວ ໂອວາທຍາຈເນ. ອິມິນາ ເຖຣໍ ອປສາເທຕິປິ ອຸສ຺ສາເທຕິປິ. ກຖໍ? ອຍໍ ກິຣ ທຫຣກາເລ ປຈ຺ຈເຍສຸ ລຄ຺ໂຄ ຫຸຕ຺ວາ ປຈ຺ຉາ ມຫລ຺ລກກາເລ ອຣຎ຺ຎວາສໍ ປຕ຺ເຖນ຺ໂຕ ກມ຺ມຏ຺ຐານໍ ຍາຈຕິ. ອຖ ຠຄວາ ‘‘ເອຕ຺ຖ ທຫເຣ ກິໍ ວກ຺ຂາມ, ມາລຸກ຺ຍປຸຕ຺ໂຕ ວິຍ ຕຸມ຺ເຫປິ ຕຣຸຓກາເລ ປຈ຺ຈເຍສຸ ລຄ຺ຄິຕ຺ວາ ມຫລ຺ລກກາເລ ອຣຎ຺ຎໍ ປວິສິຕ຺ວາ ສມຓຘມ຺ມໍ ກເຣຍ຺ຍາຖາ’’ຕິ ອິມິນາ ອຘິປ຺ປາເຍນ ຠຓນ຺ໂຕ ເຖຣໍ ອປສາເທຕິ ນາມ. ຍສ຺ມາ ປນ ເຖໂຣ ມຫລ຺ລກກາເລວ ອຣຎ຺ຎໍ ປວິສິຕ຺ວາ ສມຓຘມ຺ມໍ ກາຕຸກາໂມ, ຕສ຺ມາ ຠຄວາ ‘‘ເອຕ຺ຖ ທຫເຣ ກິໍ ວກ຺ຂາມ, ອຍໍ ອມ຺ຫາກໍ ມາລຸກ຺ຍປຸຕ຺ໂຕ ມຫລ຺ລກກາເລປິ ອຣຎ຺ຎໍ ປວິສິຕ຺ວາ ສມຓຘມ຺ມໍ ກາຕຸກາໂມ ກມ຺ມຏ຺ຐານໍ ຍາຈຕິ. ຕຸມ຺ເຫ ຕາວ ຕຣຸຓກາເລປິ ວີຣິຍໍ ນ ກໂຣຖາ’’ຕິ ອິມິນາ ອຘິປ຺ປາເຍນ ຠຓນ຺ໂຕ ເຖຣໍ ອຸສ຺ສາເທຕິ ນາມາຕິ ໂຍຊນາ.

໕-໑໐. ກຸລສຸຕ຺ຕາທິວຓ຺ຓນາ

໒໕໘-໒໖໓. ປຎ຺ຈເມ ອາຘິປຈ຺ເຈ ຐເປນ຺ຕີຕິ ຠຓ຺ຑາຄາຣິກຏ຺ຐາເນ ຐເປນ຺ຕິ. ຉຏ຺ເຐ ວຓ຺ຓສມ຺ປນ຺ໂນຕິ ສຣີຣວຓ຺ເຓນ ສມນ຺ນາຄໂຕ. ພລສມ຺ປນ຺ໂນຕິ ກາຍພເລນ ສມນ຺ນາຄໂຕ. ຠິກ຺ຂຸວາເຣ ວຓ຺ຓສມ຺ປນ຺ໂນຕິ ຄຸຓວຓ຺ເຓນ ສມນ຺ນາຄໂຕ. ພລສມ຺ປນ຺ໂນຕິ ວີຣິຍພເລນ ສມນ຺ນາຄໂຕ. ຊວສມ຺ປນ຺ໂນຕິ ຎາຓຊເວນ ສມນ຺ນາຄໂຕ. ສຕ຺ຕເມປິ ເອເສວ ນໂຍ. ເສສເມຕ຺ຖ ອຸຕ຺ຕານເມວາຕິ.

ອຠິຎ຺ຎາວຄ຺ໂຄ ຉຏ຺ໂຐ.